ଗୁଜରାଟ: ଗୁଜରାଟର କଚ୍ଛ ନିକଟ ଅନ୍ତର୍ଜାତୀୟ ସୀମା ଉପରେ ଉଡୁଥିବା ପାକିସ୍ତାନର ଏକ ଡ୍ରୋନକୁ ଭାରତୀୟ ସେନା ଖସାଇ ଦେଇଛି। ସ୍ଥାନୀୟ ପୁଲିସ ପକ୍ଷରୁ ଏ ନେଇ ସୂଚନା ଦିଆଯାଇଛି। ପିଓକେର ବାଲାକୋଟରେ ଭାରତର ବିମାନ ଆକ୍ରମଣର କିଛି ସମୟ ପରେ ପାକିସ୍ତାନର ଉକ୍ତ ଡ୍ରୋନଟି କଚ୍ଛର ନାଙ୍ଘତାଡ ଗ୍ରାମ ନିକଟରେ ଅନ୍ତର୍ଜାତୀୟ ସୀମା ଉପରେ ଉଡୁଥିବା ନଜର ଆସିଥିଲା। ସେନା ପକ୍ଷରୁ ଡ୍ରୋନକୁ ଖସାଯିବା ସମୟରେ ଏକ ବଡ଼ ଧରଣର ଶବ୍ଦ ହୋଇଥିଲା। ସ୍ଥାନୀୟ ଗ୍ରାମବାସୀ ଘଟଣାସ୍ଥଳରେ ପହଞ୍ଚିବା ବେଳକୁ ସେଠାରେ ଡ୍ରୋନର ଭଗ୍ନାବଶେଷ ପଡ଼ିଥିବା ଦେଖିଥିଲେ। ପାକିସ୍ତାନ କୌଣସି ଗୁପ୍ତଚର କାର୍ଯ୍ୟରେ ଉକ୍ତ ଡ୍ରୋନକୁ ବ୍ୟବହାର କରିଥିବା ସନ୍ଦେହ କରାଯାଉଛି। ସ୍ଥାନୀୟ ଜଣେ ପୁଲିସ ଅଧିକାରୀ ନାମ ଗୋପନ ରଖି କହିଛନ୍ତି ଯେ, ଏଭଳି ଏକ ଘଟଣା ଘଟିଛି। ଆମେ ତାହାର ତଦନ୍ତ କରୁଛୁ। ଘଟଣା ସମ୍ପର୍କରେ ଅଧିକ କିଛି କହିହେବ ନାହିଁ।
Popular Categories
Previous article
Next article