ଭୁବନେଶ୍ୱର/ଜଗତସିଂହପୁର – ଅପରାଧ ଘଟାଇବା ପାଇଁ ବୋମା ନେଇ ଯିବା ବେଳେ ଅପରାଧୀର ହାତରେ ଫୁଟିଗଲା ବୋମା । ଜଗତସିଂହପୁର କରେଇ ହାଟ ନିକଟରେ ଏହି ଘଟଣା ଘଟିଛି । ଏହି ଅପରାଧୀ ସହ ଥିବା ଅନ୍ୟ ୪ ଜଣ ସହଯୋଗୀ ଅପରାଧୀ ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ଏହି ଅପରାଧୀମାନେ କୌଣସି ସ୍ଥାନକୁ ଅପରାଧ ଘଟାଇବା ପାଇଁ ବାଇକ୍ରେ ଯାଉଥିବା ସନ୍ଦେହ କରାଯାଉଛି ।
କରେଇ ହାଟ ନିକଟରେ ଅପରାଧୀର ହାତରେ ଗୋଟିଏ ବୋମା ଫୁଟିଯାଇଥିଲା । ସେ ଗୁରୁତର ହେବାରୁ ଅନ୍ୟ ସହଯୋଗୀମାନେ ତାକୁ ସେଠାରେ ଛାଡି ଫେରାର ହୋଇଯାଇଥିଲେ । ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଗୋଟିଏ ବୋମା ଜବତ କରିବା ସହ ଏହି ଘଟଣାର ତଦନ୍ତ ଜାରି ରଖିଛି ।
