ମେଷ: ଆପଣଙ୍କର ପ୍ରଗତିଶୀଳ ପଦକ୍ଷେପକୁ ଲୋକଲୋଚନକୁ ଆଣିପାରନ୍ତି। ପରିବାର ହେଉଛି ସାମାଜିକ ସଂରଚନାର କେନ୍ଦ୍ରବିନ୍ଦୁ। ପରସ୍ପର ସ୍ନେହ ରହିଲେ ଘର ବୈକୁଣ୍ଠ ସମାନ ହେବ। କର୍ମକ୍ଷେତ୍ରରୁ ସଫଳତା ମିଳିବ।
ବୃଷ: ସତ୍ୟବାଦିତା ଆପଣଙ୍କୁ ଜୀବନର ଶୀର୍ଷତମ ସୋପାନରେ ପହଞ୍ଚାଇ ଦେବ। ପତ୍ୟୁତ୍ପନ୍ନମତିସମ୍ପନ୍ନ ହେବେ। କାମୀ ନ ହୋଇ ପ୍ରେମୀ ହେଲେ ଦାମ୍ପତ୍ୟ ଜୀବନ ସୁଖପ୍ରଦ ହେବ। ସାହସୀ ଓ ସମ୍ପତ୍ତିବାନ୍ ହେବେ।
ମିଥୁନ: ମନ ଭିତରେ ଥିବା ଜ୍ବଳାର ପ୍ରଶମନ ପାଇଁ ପ୍ରତିଶୋଧ ପରାୟଣ ହୋଇପାରନ୍ତି। ଆକାଂକ୍ଷା ରୂପକ ବେଡ଼ି ଜୀବନରେ ଅଗ୍ରସର ହେବାର ପଥରୋଧ କରିବ। ଧୈର୍ଯ୍ୟ ସଞ୍ଚୟ କରି ବିପଦର ସମ୍ମୁଖୀନ ହେବେ।
କର୍କଟ: ଧର୍ମାନୁମୋଦିତ ପନ୍ଥାରେ ଜୀବନଯାପନ ଆପଣଙ୍କର ଧ୍ୟେୟ ହେବ। ସେବାକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ସତ୍ ସହିତ ସୁସମ୍ପର୍କ ଯୋଡ଼ିପାରିଲେ ସବୁ କାମନା ଆପଣାଛାଏଁ ନିର୍ବାପିତ ହେବ।
ସିଂହ: ଶ୍ରଦ୍ଧା ଓ ବିଶ୍ବାସର ରଜ୍ଜୁରେ ଅନୁବନ୍ଧିତ ହୋଇପାରନ୍ତି। ବରିଷ୍ଠ ବ୍ୟକ୍ତିଙ୍କ ପାଇଁ ସମ୍ମାନବୋଧ ଭାଷା ପ୍ରକାଶ ଆପଣଙ୍କ ଧ୍ୟେୟ ହୋଇପାରେ। ମନରେ ଲଗାମ ଦେଇ ସମର୍ପିତ ଜୀବନଯାପନ କରିବେ।
କନ୍ୟା: ଆର୍ଥିକ ସ୍ରୋତ ବିଭିନ୍ନ ଦିଗରୁ ପ୍ରବାହିତ ହୋଇ ଆପଣଙ୍କ ଭଣ୍ଡାର ପରିପୂର୍ଣ୍ଣ କରିପାରେ। ଦୈବୀଶକ୍ତିସମ୍ପନ୍ନ କନ୍ୟା ରତ୍ନର କାର୍ଯ୍ୟକଳାପରେ ଗର୍ବ ଅନୁଭବ କରିପାରନ୍ତି। ତେଜସ୍ବୀ ଓ ଧର୍ମଧ୍ବଜାଧାରୀ ହେବେ।
ତୁଳା: କୃଷି କର୍ମରେ ନିଜର ପାରଦର୍ଶିତା ପ୍ରତିପାଦନ କରି ଅନୁଗତ କୃଷକମାନଙ୍କୁ ଦିଗ୍ଦର୍ଶନ ଦେଇପାରନ୍ତି। ମହତ୍ ପ୍ରୟାସୀ ହୋଇପାରନ୍ତି। ଆପଣଙ୍କ ମହନୀୟ କର୍ମସମୂହ ଶୀର୍ଷାସନ ଦେଇପାରେ।
ବିଛା: କେବଳ ଆଧ୍ୟାତ୍ମିକ ଚିନ୍ତନରୁ ଆପଣ ବିନୀତ ଭାବାପନ୍ନ ହୋଇଛନ୍ତି। ପରର ଶୁଭ କାମନା ଭଳି ମାନବୋଚିତ କାର୍ଯ୍ୟ କରି ପ୍ରଶଂସାର ପାତ୍ର ହେବେ। ଈଶ୍ବରୀୟ ବିଭୂତି ପ୍ରାପ୍ତ ହେବେ। ଧାର୍ମିକ ଓ ବିଦ୍ବାନ୍ ହେବେ।
ଧନୁ: ଦୈବୀ ବଳରେ ମହାଶକ୍ତି, ମହାଦ୍ୟୁତିସମ୍ପନ୍ନ ହୋଇପାରନ୍ତି। ସଂଯମପୂର୍ଣ୍ଣ ସତ୍ ଚରିତ୍ରତାର ନିଦର୍ଶନ ହେବେ। ନିଜ କର୍ତ୍ତବ୍ୟ ପଥରେ ଆରୁଢ଼ ହୋଇ ଜୀବନକୁ ଯଜ୍ଞମୟ କରିପାରନ୍ତି। କର୍ମଠ ହେବେ।
ମକର: ଜୀବନର ସାରବତ୍ତାକୁ ପାଥେୟ କରି ସେବା ଓ ଦାନ କ୍ଷେତ୍ରରେ ଅଗ୍ରଗଣ୍ୟ ହୋଇପାରନ୍ତି। ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ସ୍ବାଦିଷ୍ଟ ଭୋଜନ ତୃପ୍ତିଦାୟକ ହୋଇପାରେ। ଅର୍ଥାଗମ ହୋଇପାରେ।
କୁମ୍ଭ: ଜୀବାତ୍ମାକୁ ରଥୀ, ଶରୀରକୁ ରଥ, ବୃଦ୍ଧକୁ ସାରଥି ଓ ମନକୁ ଲଗାମ ଭଳି ବ୍ୟବହାର କରୁଥିବାରୁ ସବୁ ଅସମ୍ଭବକୁ ସମ୍ଭବ ଓ ସବୁ ଅସାଧ୍ୟକୁ ସାଧନ କରିପାରିବେ। ବିଳମ୍ବରେ କୃତକାର୍ଯ୍ୟ ହୋଇପାରନ୍ତି।
ମୀନ: ଜ୍ଞାନ, ବିଜ୍ଞାନ ଗନ୍ତାଘରର ଚାବିଦାର ହୋଇପାରନ୍ତି। ଭକ୍ତିବଳରେ ଶକ୍ତିସମ୍ପନ୍ନ ହୋଇ ଅସାଧ୍ୟ ସାଧନ କରିପାରନ୍ତି। ପ୍ରାୟ ପ୍ରତ୍ୟେକ କାର୍ଯ୍ୟର ସଫଳ ରୂପାୟନ କରିପାରନ୍ତି। ସମ୍ମାନିତ ହୋଇପାରନ୍ତି।
