ଉଦିତଙ୍କ ନୂଆ ଠିକଣା:ଝାରପଡ଼ା ଜେଲ୍

ଭୁବନେଶ୍ୱର: ନିଳମ୍ୱିତ ଛାତ୍ର କଂଗ୍ରେସ ସଭାପତି ଜେଲ୍ ଗଲେ। ଭୁବନେଶ୍ୱର ଏସଡିଜେଏମ୍ କୋର୍ଟରେ ତାଙ୍କ ଜାମିନ ନାମଞ୍ଜୁର ହେବା ପରେ ଉଦିତଙ୍କୁ ଝାରପଡ଼ା ଜେଲ୍ ପଠାଇ ଦିଆଯାଇଛି। ଏକ ଦୁଷ୍କର୍ମ ମାମଲାରେ ଗତକାଲି ଗିରଫ ହେବା ପରେ ଆଜି ତାଙ୍କୁ ଜେଲ ହାଜତକୁ ପଠାଯାଇଛି। ଉଦିତଙ୍କ ନାଁରେ ଦୁଷ୍କର୍ମ ଅଭିଯୋଗ ଆସିବା ପରେ ତାଙ୍କୁ ପୂର୍ବରୁ ଛାତ୍ର କଂଗ୍ରେସ ଦଳରୁ ନିଳମ୍ୱିତ କରିସାରିଛି। କିଛି ମାସ ତଳେ ଏକ ହୋଟେଲରେ ଉଦିତ ଜଣେ ଯୁବତୀଙ୍କ ପାନୀୟରେ ନିଶା ଦେଇ ଦୁଷ୍କର୍ମ କରିଥିବାର ଅଭିଯୋଗ ହୋଇଥିଲା। ନିକଟରେ ଏନେଇ ପିଡ଼ୀତା ଯୁବତୀ ଜଣକ ମଞ୍ଚେଶ୍ୱର ଥାନାରେ ଏତଲା ଦେଇଥିଲେ। ପୁଲିସ ପ୍ରଥମିକ ତଦନ୍ତ କରି ଉଦିତଙ୍କୁ ଗିରଫ କରିଥିଲା। ଏହି ଘଟଣାକୁ ନେଇ ରାଜନୀତି ଜୋର ଧରିଛି। ପୂର୍ବରୁ ନାରୀ ନିର୍ଯ୍ୟାତନା ନେଇ ଆନ୍ଦୋଳନ କରିଆସୁଥିବା କଂଗ୍ରେସକୁ ଶାସକ ବିଜେପି ଟାର୍ଗେଟ୍ କରିଛି। ଜାମିନ ନାମଞ୍ଜୁର ହେବା ପରେ ଉଦିତଙ୍କୁ ଝାରପଡ଼ା ଜେଲ୍ ସ୍ଥାନାନ୍ତର କରାଯାଇଛି।