ନୂଆଦିଲ୍ଲୀ : ବଲିଉଡ ଅଭିନେତା ରଣବୀର ସିଂ ଏକ କାର୍ କିଣିଛନ୍ତି । ତେବେ ଏହା କୌଣସି ସାଧାରଣ କାର୍ ନୁହେଁ, ଏହାର ହେଉଛି ହାମର ଇଭି ଯାହା ଏ ପର୍ଯ୍ୟନ୍ତ ବଲିଉଡର କୌଣସି ବି ଅଭିନେତାଙ୍କ ପାଖରେ ନଥିଲା । ସିଏସ୍ ୧୨ ଦ୍ବାରା ସେୟାର କରାଯାଇଥିବା ଏକ ଭିଡିଓରେ ରଣବୀର ସିଂହଙ୍କ ନୂଆ ହାମର ଇଭି ତାଙ୍କ ଘରକୁ ଡେଲିଭରୀ ହେଉଥିବାର ନଜର ଆସୁଛି । ତେବେ ଏହା ଭାରତର କୌଣସି ସେଲିବ୍ରିଟିଙ୍କ ଦ୍ବାରା କ୍ରୟ କରାଯାଇଥିବା ପ୍ରଥମ ହାମର ଇଭି ।
ହାମର ଇଭିର ଖାସ୍ କଥା ହେଉଛି ଏହି ମଡେଲରେ ୧୭୮ କିଲୋଓ୍ବାଟର ବ୍ୟାଟେରୀ ପ୍ୟାକ୍ ମିଳିଥାଏ । ଏହାର ପାଓ୍ବର ଇନପୁଟ କଥା କହିବା ତ ଏଥିରେ ୮୩୦ବିଏଚପିର ପାଓ୍ବର ଓ ୧୫,୫୯୨ ଏନଏମର ଟର୍କ ଜେନେରେଟ୍ କରିବାରେ ସକ୍ଷମ । ଏହାର ରେଞ୍ଜ ୫୦୫ କିଲୋମିଟର । ଏହି ଏସୟୁଭି ମାତ୍ର ୩.୫ ସେକେଣ୍ଡରେ ଶୂନ୍ୟରୁ ୧୦୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିପାରିବ । ଏହାର ଓଜନ ୪୫୦୦ କିଲୋଗ୍ରାମରୁ ଅଧିକ । ଏଥିରେ ୧୩.୪ ଇଞ୍ଚର ଟଚସ୍କ୍ରିନ୍, ୧୨.୩ ଇଞ୍ଚର ଡିଜିଟାଲ କ୍ଲଷ୍ଟର, ସୁପର କ୍ରୁଜ୍ ଓ କ୍ରାବ୍ ବ୍ୟାକ୍ ମୋଡ୍ ମିଳିବ ।
ଆମେରିକାରେ ହାମର ଇଭିର ଦାମ୍ ପ୍ରାୟ ୮୪ ଲକ୍ଷ ଟଙ୍କା । ଭାରତକୁ ଏହା ଆଣିବା ପରେ ଏହାର ଦାମ୍ ୩.୮ କୋଟି ଟଙ୍କାରୁ ସାଢେ ୪ କୋଟି ଟଙ୍କା ମଧ୍ୟରେ ହୋଇଥାଏ । ତେବେ ରଣବୀର କେଉଁ ଭାରିଏଣ୍ଟ କିଣିଛନ୍ତି ଏନେଇ କୌଣସି ସୂଚନା ନାହିଁ । କିନ୍ତୁ ଅନୁମାନ କରାଯାଉଛି କି ଏହା ଟପ୍ ଏଣ୍ଡ୍ ଭାରିଆଣ୍ଟ । ରଣବୀରଙ୍କୁ ପରେ ହାମର ଇଭି ଚଳାଉଥିବା ମଧ୍ୟ ଦେଖିବାକୁ ମିଳିଛି ଯେଉଁଥିରେ ଗ୍ରୀନ୍ ନମ୍ବର ପ୍ଲେଟ୍ ଲାଗିଥିଲା ଯାହା ଇଲେକ୍ଟ୍ରିକ୍ ଗାଡି ପାଇଁ ହୋଇଥାଏ । ରଣବୀରଙ୍କ କାର କଲେକ୍ସନରେ ପୂର୍ବରୁ ମର୍ସିଡିଜ୍, ଏବଂ ଅନ୍ୟ ଦାମୀ କାର୍ ରହିଛି ।
