ନୂଆଦିଲ୍ଲୀ : ଟାଟାର ଆଇକନିକ୍ ଏସୟୁଭି ସିଏରା ପୁଣି ଥରେ ଚର୍ଚ୍ଚାରେ । ନିକଟରେ ଟେଷ୍ଟିଂ ସମୟରେ ଏହାର ଇଣ୍ଟିରିୟର ନଜର ଆସିଥିଲା ଯେଉଁଥିରେ ୩ ସ୍କ୍ରିନ୍ ବିଶିଷ୍ଟ ଡ୍ୟାଶବୋର୍ଡ ସେଟଅପ୍ ସବୁଠାରୁ ଖାସ୍ ଥିଲା । ଏକ ସ୍କ୍ରିନ୍ ଚାଳକଙ୍କ ପାଇଁ, ଦ୍ବିତୀୟଟି ଟଚସ୍କ୍ରିନ୍ ଓ ତୃତୀୟ ଫ୍ରଣ୍ଟ ପାସେଞ୍ଜରଙ୍କ ପାଇଁ ଯେଉଁଥିରେ ଭିଡିଓ, ମ୍ୟୁଜିକ୍ ଓ ଭିଡିଓ କଲିଂ ଭଳି ସୁବିଧା ରହିବ ।
ଏହି ଭଳି ଫିଚର ଏପର୍ଯ୍ୟନ୍ତ କେବଳ ପ୍ରିମିୟମ୍ କାରରେ ଦେଖିବାକୁ ମିଳୁଥିଲା । ମହିନ୍ଦ୍ରା ଏକ୍ସଇଭି୯ଇ ପରେ ଟାଟା ସିଏରା ଏହାକୁ ଅଧିକ ଅତ୍ୟାଧୁନିକ ରୂପେ ନେଇଆସୁଛି । ଏହା ବ୍ୟତୀତ ହ୍ୟାରିୟର ଇଭିରେ ଅଲୁମିନେଟେଡ୍ ଲୋଗୋ ବିଶିଷ୍ଟ ଷ୍ଟିୟରିଂ ହ୍ବିଲ୍, ଅଟୋ ଡିମିଂ ଆଇଆରଭିଏମ୍, ଆମ୍ବିଏଣ୍ଟ ଲାଇଟିଂ ଏବଂ ସନଗ୍ଲାସ୍ ହୋଲ୍ଡର ଭଳି ଫିଚର୍ ମିଳିବ । ସିଏରାକୁ ଚଳିତ ବର୍ଷ ଲଞ୍ଚ୍ କରାଯିବ ଏବଂ ଏହା ଆଇସ୍ ଓ ଇଭି ଉଭୟ ବିକଳ୍ପରେ ମିଳିବ । ଆଇସ ଭର୍ସନରେ ୧.୫ ଲିଟର ପେଟ୍ରୋଲ ଓ ୨ ଲିଟର ଡିଜେଲ ଇଞ୍ଜିନ ମିଳିବାକୁ ଥିବାବେଳେ ଇଭି ଭର୍ସନରେ ୭୫ କିଲୋଓ୍ବାଟ ବ୍ୟାଟେରୀ ସହି ୫୦୪ ଏନଏମ ଟର୍କ ଉତ୍ପନ କରୁଥିବା ଡୁଆଲ ମୋଟର ମିଳିବ ।
ମାତ୍ର ୪୧୨ଟଙ୍କା ଦେଇ ଘରକୁ ନେଇ ଆସନ୍ତୁ ରେଡ୍ମିର ଏହି ୫ଜି ସ୍ମାର୍ଟଫୋନ୍, ଜବରଦସ୍ତ ଫିଚର୍ ପୁଣି ମିଳିବ ରିହାତି..
