ନୂଆଦିଲ୍ଲୀ : ଦେଶରେ ପ୍ରିମିୟମ୍ ମୋଟରସାଇକେଲ ବିକୁଥିବା କମ୍ପାନୀ କାଓ୍ବାସାକି ମୋଟରସାଇକେଲ ୨୦୨୫ କାଓ୍ବାସାକି ନିଞ୍ଜା ୩୦୦ ଲଞ୍ଚ୍ କରିଦେଇଛି । କମ୍ପାନୀ ଏହି ମୋଟରସାଇକେଲର ପ୍ରାରମ୍ଭିକ ଏକ୍ସ-ଶୋରୁମ୍ ଦାମ୍ ୩.୪୩ ଲକ୍ଷ ଟଙ୍କା ନିର୍ଦ୍ଧାରିତ କରିଛି । ଜୁନ୍ ପ୍ରଥମ ସପ୍ତାହରୁ ଏହାର ଡେଲିଭରୀ ଆରମ୍ଭ ହେବ । କାଓ୍ବାସାକି ନିଞ୍ଜା ୩୦୦ ୨୦୧୩ ମସିହାରୁ କାଓ୍ବାସାକିର ଭାରତୀୟ ଲାଇନଅପର ଏକ ଅଂଶ ରହିଆସିଛି ଏବଂ ଲାଇନଅପରେ ଏକ ଲୋକପ୍ରିୟ ବିକଳ୍ପ ସାଜିଛି । ଭାରତୀୟ ବଜାରରେ ଏହାର ମୁକାବିଲା ଅପ୍ରିଲିୟ ଆରଏସ୍ ୪୫୭, କେଟିଏମ୍ ଆରସି ୩୯୦, ୟାମାହା ଆରଥ୍ରି ଭଳି ମଡେଲ ସହ ହୋଇଥାଏ ।
ଏହାର ନୂଆ ଭର୍ସନ ନିଜ ପୂର୍ବ ମଡେଲକୁ ବଜାୟ ରଖୁଛି । ଏହା ସହ କିଛି ନୂଆ ଫିଚର୍ ଏହି ବାଇକରେ ମିଳୁଛି । ଏଥିରେ ପ୍ରୋଜେକ୍ଟର ହେଡଲାଇଟ୍ ଓ ବଡ ଫ୍ଲୋଟିଂ ଓ୍ବିଣ୍ଡସ୍କ୍ରିନ୍ ଲଗାଯାଇଛି । କମ୍ପାନୀ ଏହି ମୋଟରସାଇକେଲରେ ୩ ନୂଆ ରଙ୍ଗ ବିକଳ୍ପ ଯଥା ଲାଇମ୍ ଗ୍ରୀନ୍, କ୍ୟାଣ୍ଡି ଲାଇମ୍ ଗ୍ରୀନ୍ ଓ ମେଟାଲିକ୍ ମୁନଡଷ୍ଟ ଗ୍ରେ ନେଇଆସିଛି । ମୋଟରସାଇକେଲରେ ୨୯୫ସିସି ପାରାଲାଲ୍ ଟ୍ବିନ୍ ଇଞ୍ଜିନ ବ୍ୟବହାର କରାଯାଇଛି ଯାହା ୧୧ ହଜାର ଆରପିଏମରେ ୩୮.୮ବିଏଚପିର ପାଓ୍ବର ଓ ୧୦ ହଜାର ଆରପିଏମରେ ୨୬.୧ ଏନଏମର ଟର୍କ ଉତ୍ପନ କରିଥାଏ । ଏହି ଇଞ୍ଜିନକୁ ୬ ସ୍ପିଡ୍ ଗିୟରବକ୍ସ ସହିତ ଯୋଡାଯାଇଛି ଯାହା ଆସିଷ୍ଟ ଓ ସ୍ଲିପର କ୍ଲଚ୍ ସହିତ ଆସିଥାଏ ।
