ନୂଆଦିଲ୍ଲୀ: ସମ୍ପ୍ରତି ସାମାଜିକ ଗଣମାଧ୍ୟମ ଗୁଡିକରେ ଭାଇରାଲ ହେଉଥିବା ଭିଡିଓ ପୁଲୱାମା ଆତଙ୍କବାଦୀ ଆକ୍ରମଣର ନୁହେଁ ବୋଲି ଜଣାପଡିଛି । ଫେବୃଆରୀ ୧୨ ତାରିଖରେ ସିରିଆ-ତୁର୍କୀ ସୀମାରେ ହୋଇଥିବା ଏକ କାର ବୋମା ବିସ୍ଫୋରଣର ଭିଡିଓକୁ ପୁଲୱାମା ଆତଙ୍କବାଦୀ ଆକ୍ରମଣ ଭିଡିଓ ଭାବରେ ଭାଇରାଲ କରାଯାଉଛି । ଫେସବୁକ, ଟ୍ୱିଟର ଏବଂ ହ୍ୱାଟ୍ସ ଆପ ମାଧ୍ୟମରେ ଏକ ୯ ସେକେଣ୍ଡର ଭିଡିଓ ବହୁଳ ଭାବରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଏକ ଶକ୍ତିଶାଳୀ ବିସ୍ଫୋରଣ ହେବାର ଦେଖାଯାଉଛି ଏବଂ ପରେ ସବୁଆଡେ ଧୁଆଁମୟ ହୋଇଯାଉଛି । ’ଇଣ୍ଡିଆନ ଆର୍ମି ଗ୍ରୁପ’ ନାମକ ଫେସବୁକ ପେଜରେ ଭାଇରାଲ କରାଯାଇଥିବା ଭିଡିଓରେ ଲେଖାଯାଇଛି…ପୁଲୱାମା ଆତଙ୍କବାଦୀ ଆକ୍ରମଣର ସିସିଟିଭି ଭିଡିଓ । ଭିଡିଓଟିର ସତ୍ୟତା ଜାଣିବା ପାଇଁ ଇଣ୍ଟେଲ ଟେକନିକ ସାହାଯ୍ୟରେ ରିଭର୍ସ ସର୍ଚ୍ଚ ପରୀକ୍ଷା କରାଯାଇଥିଲା ଏବଂ ଏହା ପୁଲୱାମା ଆତଙ୍କବାଦୀ ଆକ୍ରମଣର ନୁହେଁ ବୋଲି ଜଣା ପଡିଥିଲା ।
Popular Categories
Previous article
Next article