ଗୋପାଳପୁର: ଗୋପାଳପୁର ପୁଲିସ ଗୋପାଳପୁର ବୁଲିବାକୁ ଆସିଥିବା ପର୍ଯ୍ୟଟକଙ୍କ ବେକରୁ ଲୁଟ ହୋଇଥିବା ୨୫ ଗ୍ରାମର ଏକ ସୁନା ଚେନ ସହ ଲକେଟକୁ ଆଜି ଥାନା ପରିସରରେ ପର୍ଯ୍ୟଟକଙ୍କୁ ହସ୍ତାନ୍ତର କରିଛି। ସୂଚନା ପ୍ରକାରେ ଏପ୍ରିଲ ମାସ ୪ ତାରିଖରେ କଟକ ଚୌଦ୍ୱାର ଇଏସ ଆଇ ମେଡିକାଲର ଡାକ୍ତର ସଂଘମିତ୍ରା ଜେନା ତାଙ୍କ ସହପରିବାର ସହ ଗୋପାଳପୁର ଆସି ପାନ୍ଥନିବାସରେ ରହିଥିଲେ। ୬ ତାରିଖ ସକାଳ ପ୍ରାୟ ସାଢେ ୬ଟା ସମୟରେ ପାନ୍ଥନିବାସରୁ ବାହାରି ବେଳାଭୂମି ରାସ୍ତା ଦେଇ ପ୍ରାତଃ ଭ୍ରମଣ ନିମନ୍ତେ ଯାଉଥିବା ସମୟରେ ବେଳାଭୂମି ନିକଟରେ ପଛପଟୁ ଦୁଇ ଜଣ ଦୁର୍ଵୃତ୍ତ ଆସି ଡାକ୍ତର ସଂଘମିତ୍ରା ପିନ୍ଧିଥିବା ୨୫ ଗ୍ରାମର ଏକ ସୁନା ଚେନ ସହ ଲକେଟ ଝାମ୍ପି ନେଇ ଚମ୍ପଟ ମାରିଥିଵା ନେଇ ଥାନାରେ ଅଭିଯୋଗ ହୋଇଥିଲା। ପୁଲିସ ଘଟଣାରେ ସମ୍ପୃକ୍ତ ଥିବା ୫ ଜଣକୁ କାବୁ କରି ସେମାନଙ୍କ ଠାରୁ ସୁନା ଜବତ କରି କୋର୍ଟ ଚାଲାଣ କରିଥିଲା। ଶୁକ୍ରବାର ସଂଘମିତ୍ରା ଜେନା ଓ ସ୍ୱାମୀଙ୍କ ସହ ଗୋପାଳପୁର ଥାନାରେ ପହଂଚି ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକ ଓ ଏସ ଆଇ ମଣି ଦାଢ଼ିଆଙ୍କ ଠାରୁ ସୁନା ଚେଁ ଗ୍ରହଣ କରିଛନ୍ତି ପ୍ରଦାନ କରିଛନ୍ତି।
Popular Categories
Previous article
Next article