ଆଠଗଡ : ଜାମ୍ମୁ-କାଶ୍ମୀରର ପହଲଗାମରେ ଗତ ଏପ୍ରିଲ ୨୨ ତାରିଖ ଦିନ ଆତଙ୍କବାଦୀଙ୍କ ବର୍ବୋରଚିତ ଆକ୍ରମଣରେ ଦୁଇ ବିଦେଶୀ ପର୍ଯ୍ଯଟକଙ୍କ ସମେତ ଜଣେ ଓଡିଆ ପର୍ଯ୍ଯଟକ ଏବଂ ଜଣେ ନୌସେନା ଅଧିକାରୀଙ୍କ ସମେତ ୨୮ ଜଣ ମୃତ୍ୟୁବରଣ କରିଛନ୍ତି । ଏହି ଘୃଣିତ ଆକ୍ରମଣ ଘଟଣାକୁ ଆଠଗଡ ପୂର୍ବତନ ସୈନିକ ସଂଘ ପକ୍ଷରୁ ତୀବ୍ର ନିନ୍ଦା କରାଯାଇଛି । ବାଣୀକଣ୍ଠନଗର ନୀଳକଣ୍ଠେଶ୍ଵର ମନ୍ଦିରରେ ସୋମବାର ସଂଘ ପକ୍ଷରୁ ମୃତକଙ୍କ ଆତ୍ମାର ସଦଗତି କାମନା କରି ସାମୁହିକ ପ୍ରଦୀପ ପ୍ରଜ୍ବଳନ ସହିତ ନୀରବ ପ୍ରାର୍ଥନା କରାଯାଇଥିଲା । ଏହି ଉପଲକ୍ଷେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ସଂଘର ସଭାପତି କ୍ୟାପଟେନ ପ୍ରଫୁଲ୍ଲ କୁମାର ପରିଡା, ସାଧାରଣ ସମ୍ପାଦକ ରମେଶ ଚନ୍ଦ୍ର ନାୟକ, ବାଣୀକଣ୍ଠନଗର ସଭାପତି ନୀଳାଦ୍ରି ସାହୁ ଓ ଶିକ୍ଷାବିତ ତ୍ରିଲୋଚନ ଦାଶ ପ୍ରମୁଖ ଏହି ବର୍ବୋରଚିତ ଆତଙ୍କବାଦୀ ଆକ୍ରମଣକୁ ତୀବ୍ର ନିନ୍ଦା କରିବା ସହ ଆତଙ୍କବାଦୀ ଓ ସେମାନଙ୍କୁ ପ୍ରୋତ୍ସାହନ ଦେଉଥିବା ଶକ୍ତି ବିରୋଧରେ ଭାରତ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ । ଭାରତ ସରକାରଙ୍କ ଦୃଢ ନିଷ୍ପତ୍ତିକୁ ସମର୍ଥନ ଜଣାଇ ସଂଘ ପକ୍ଷରୁ ପ୍ରସ୍ତାବ ଗୃହିତ ହୋଇଥିଲା । ସଂଘର କର୍ମକର୍ତ୍ତା ସର୍ବଶ୍ୱେର ରାଉତ, ଗିରିଜା ଶଙ୍କର ପ୍ରଧାନ, ପ୍ରସନ୍ନ କୁମାର ନାୟକ, ସନ୍ତୋଷ କୁମାର ରାଉତ, ଉପେନ୍ଦ୍ର ବେହେରା, ଗୌରାଙ୍ଗ ମହନ୍ତ, ନିତ୍ୟାନନ୍ଦ ଧଳ, ଲକ୍ଷ୍ମୀଧର ମହାରଣା, ପ୍ରହ୍ଲାଦ ମହାରଣା, ପ୍ରକାଶ ରାଉତ ସେଠୀ, ବିଚିତ୍ର ମୋହନ ସ୍ୱାଇଁ, କୁଲୁ ମାନସିଂହ, ବିଜୟ ଦାସ, ଇନ୍ଦ୍ରଜିତ ମନ୍ତ୍ରୀଙ୍କ ସମେତ ଅନ୍ଯ ସଦସ୍ୟ ପର୍ଯ୍ୟଟକଙ୍କ ଉପରେ ଆକ୍ରମଣ ଘଟଣାକୁ ନିନ୍ଦା କରିବା ସହିତ ମୃତକଙ୍କ ପରିବାରବର୍ଗଙ୍କୁ ସମବେଦନା ଜଣାଇଥିଲେ ।
Popular Categories
Previous article
Next article