ବାମ ଗୋଡ଼ ବଦଳରେ ଡ଼ାହାଣ ଗୋଡ଼ର ଅସ୍ତ୍ରୋପଚାର ଅଭିଯୋଗ
କେନ୍ଦୁଝର : କେନ୍ଦୁଝର ଜିଲା ଆନନ୍ଦପୁର ଉପଖଣ୍ଡ ଡ଼ାକ୍ତରଖାନାରେ ଏକ ଅଭାବନୀୟ ଘଟଣା ଘଟିଛି। ଡ଼ାକ୍ତର ଓ କର୍ମଚାରୀଙ୍କ ଅବହେଳା ଯୋଗୁ ଜଣେ ମହିଳାଙ୍କ ଭୁଲ ଅସ୍ତ୍ରୋପଚାର ହୋଇଥିବା ଅଭିଯୋଗ ହୋଇଛି। ଖଡ଼ବିଲ ଗାଁର ମହିଳାଙ୍କ ବାମ ଗୋଡ଼ ପାଦରେ ଯନ୍ତ୍ରଣା ଅନୁଭବ ଚିକିତ୍ସା ପାଇଁ ତାଙ୍କ ସ୍ୱାମୀ ତାଙ୍କୁ ଆନନ୍ଦପୁର ଉପଖଣ୍ଡ ଡ଼ାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ଡ଼ାକ୍ତର ତାଙ୍କ ବାମ ଗୋଡ଼ ବଦଳରେ ଡ଼ାହାଣ ଗୋଡ଼ର ଅପରେସନ କରିଛନ୍ତି ବୋଲି ଅଭିଯୋଗ ହୋଇଛି। ଏହା ପରେ ଭୁଲ ଜଣାପଡ଼ିବା ପରେ ପୁଣି ବାମ ଗୋଡ଼ ମଧ୍ୟ ଅପରେସନ କରିଥିଲେ। ଦୁଇଟି ଯାକ ଗୋଡ଼ ଅପରେସନ ହେବା କାରଣରୁ ସଂପୃକ୍ତ ରୋଗୀ ଚାଲିପାରୁନାହାନ୍ତି। ଏହି କାରଣରୁ ଡ଼ାକ୍ତରଖାନାରେ କ୍ଷତିପୂରଣ ପାଇଁ ଉତ୍ତେଜନା ସୃଷ୍ଟି ହୋଇଛି।