ଆରଡି : ଭଦ୍ରକ ଜିଲାର ବହୁ ପୁରାତନ ବନ୍ଦରନଗରୀ ଚାନ୍ଦବାଲି ଓ ସୀମାନ୍ତବର୍ତ୍ତୀ ଜିଲା କେନ୍ଦ୍ରାପଡାର ରାଜକନିକା ମଧ୍ଯରେ ବନ୍ଧୁତା ଓ ଭାଇଚାରା ବଜାଇ ରଖିବା ପାଇଁ ଚଳିତବର୍ଷ କନିକା ଚାନ୍ଦବାଲି ବୈତରଣୀ ମହୋତ୍ସବ ସଂଘ ପକ୍ଷରୁ “ବୈତରଣୀ ମହୋତ୍ସବ ଆସନ୍ତା ୨୦ରୁ ୨୪ ତାରିଖ ଯାଏଁ ମହା ଆଡମ୍ବର ସହ ପାଳନ କରାଯିବ। ଏଥିପୂର୍ବରୁ ବୈତରଣୀ ମହୋତ୍ସବ ଆୟୋଜକମାନେ ଆରଡିପୀଠର ଆରାଧ୍ଯ ଦେବ ବାବା ଆଖଣ୍ଡଳମଣିଙ୍କ ଆଜ୍ଞାମାଳ ପାଇଁ ଗୁରୁବାର ଚାନ୍ଦବାଲିରୁ ଏକ ଶୋଭାଯାତ୍ରାରେ ବାହାରି ପ୍ରସିଦ୍ଧ ଶୈବପୀଠ ଆଖଣ୍ଡଳମଣିଧାମ ପହଁଚିଥିଲେ। ସମସ୍ତ ସଦସ୍ଯ ମଣିବାବାଙ୍କ ପାଖରେ ପୂଜାର୍ଚ୍ଚନା ସହ ଦୀପ ଜାଳିଥିଲେ। ପରେ ମଣିବାବାଙ୍କ ଆଜ୍ଞାମାଳ ପାଇବା ପରେ ଘଣ୍ଟାକିର୍ତ୍ତନରେ ବେଢା ପରିକ୍ରମା କରି ଚାନ୍ଦବାଲି ଅଭିମୁଖେ ଯାତ୍ରା କରିଥିଲେ। ଏହି ମହୋତ୍ସବ ୨ଟି ଜିଲାର ଭାଇଚାରା ସହ ବନ୍ଧୁତା ବଢାଇବ ବୋଲି ଆୟୋଜକ ମାନେ କହିଛନ୍ତି। ସେହିପରି ଏହି ବୈତରଣୀ ମହୋତ୍ସବରେ ରାଜ୍ଯର ରାଜ୍ଯର ହସ୍ତଶିଳ୍ପ, ଓରମାସ ଆଦିର ପସରା ମେଲିବ।
Popular Categories
Previous article
Next article