ଦୁବାଇ : ଅଷ୍ଟ୍ରେଲିଆକୁ ହରାଇ ଫାଇନାଲକୁ ପ୍ରବେଶ କଲା ଭାରତ । ଚାମ୍ପିୟନ୍ସ ଟ୍ରଫିର ପ୍ରଥମ ସେମିଫାଇନାଲରେ ଟିମ୍ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷ ଲଢେଇରେ ୪ ଓ୍ବିକେଟରେ ବିଜୟ ଲାଭ କରିଛି । ମ୍ୟାଚ୍ ସଂଘର୍ଷ ପୂର୍ଣ୍ଣ ରହିଥିଲା । ତେବେ ଲକ୍ଷ୍ୟକୁ ପୂରଣ କରି ଟିମ୍ ଇଣ୍ଡିଆ ବିଜୟ ଲାଭ କରିଛି । ସେମିଫାଇନାଲରେ ପ୍ଲେୟାର ଅଫ୍ ଦ ମ୍ୟାଚ୍ ବିରାଟ କୋହଲି ୮୪ ରନ୍ ସଂଗ୍ରହ କରିଛନ୍ତି । ୪୭ ତମ ଓଭରରେ ଭାରତ ୨୫୦ ରନ୍ ପାର୍ କରିଥିଲା । ପାଣ୍ଡ୍ୟା ଆଡମ ଜମ୍ପାଙ୍କ ବଲରେ ଲଗାତର ୨ ଛକା ମାରି ଟିମକୁ ୨୫୦ ପାର୍ କରିଥିଲେ । ୪୮ ତମ ଓଭରରେ ପାଣ୍ଡ୍ୟା ୨୮ ରନରେ ଆଉଟ୍ ହୋଇଥିଲେ । କେଏଲ୍ ରାହୁଲ ଗ୍ଲେନ ମ୍ୟାକ୍ସଓ୍ବାଲଙ୍କ ବଲରେ ଛକା ମାରି ଭାରତୀୟ ଦଳକୁ ଜିତାଇଥିଲେ ।
For his 84(98) and guiding #TeamIndia in the chase, Virat Kohli is the Player of the Match 👏 👏
Scorecard ▶️ https://t.co/HYAJl7biEo#INDvAUS | #ChampionsTrophy | @imVkohli pic.twitter.com/Xt2GAKVIPs
— BCCI (@BCCI) March 4, 2025
ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୨୬୫ ରନର ଲକ୍ଷ୍ୟ ଦେଇଥିଲା । ଅଷ୍ଟ୍ରେଲିଆ ଅଧିନାୟକ ଷ୍ଟିଭ୍ ସ୍ମିଥ୍ ୭୩ ଓ ଏଲେକ୍ସ କ୍ୟାରୀ ୬୧ ରନ୍ କରିଥିଲେ । ଭାରତୀୟ ବୋଲର୍ ଅଷ୍ଟ୍ରେଲିଆକୁ ଅଲଆଉଟ୍ କରିଥିଲେ । ମୋହମ୍ମଦ ଶାମି ୩, ରବିନ୍ଦ୍ର ଜଡେଜା ଓ ବରୁଣ ଚକ୍ରବର୍ତ୍ତୀ ୨-୨ ଓ୍ବିକେଟ୍ ନେଇଥିଲେ ।
