ନୂଆଦିଲ୍ଲୀ ..- ବିଶ୍ୱ ତାପାୟନ ବା ଗ୍ଲୋବାଲ ଓ୍ୱାର୍ମିଂଯୋଗୁଁ ହିମାଳୟରେ ଥିବା ଦୁଇ ତୃତୀୟାଂଶ ବରଫ ତରଳିଯିବ ବୋଲି ବୈଜ୍ଞାନିକମାନେ ଚେତାବନୀ ଦେଇଛନ୍ତି । ୨୧୦୦ ମସିହା ବେଳକୁ ଏପରି ହେବ ବୋଲି ଆଶଙ୍କା ପ୍ରକାଶ କରାଯାଇଛି । ସୋମବାରରେ ହିନ୍ଦୁକୁଶ ଓ ହିମାଳୟ ଆସେସ୍ମେଣ୍ଟରେ ଏହି ତଥ୍ୟ ପ୍ରକାଶ କରାଯାଇଛି ।
ଏବେ ପ୍ରବଳ ଥଣ୍ଡା ଯୋଗୁଁ ସାରି ବିଶ୍ୱର ହାଲ ବେହାଲ । ଆମେରିକାରେ -୩୦ ଡିଗ୍ରୀରେ ଅନେକ ଲୋକଙ୍କର ପ୍ରାଣହାନୀ ହୋଇଛି । ତେବେ ବିଶ୍ୱର ତାପମାତ୍ର ବୃଦ୍ଧି ଯୋଗୁଁ ପ୍ରବଳ ଥଣ୍ଡା, ପ୍ରବଳ ବର୍ଷା , ଝଡ ତୋଫାନ ପରି ପରିସ୍ଥିତି ଦେଖାଦେଉଥିବା ଓ ଜଳବାୟୁ ପରିବର୍ତ୍ତନ ଉପରେ ଏହାର ପ୍ରଭାବ ଦେଖାଇଦେଇଥିବା ପାଣିପାଗ ବିଶେଷଜ୍ଞମାନେ ମତ ଦେଇଛନ୍ତି ।
ହିନ୍ଦୁକୋଶ ଓ ହିମାଳୟ ଅଞ୍ଚଳରୁ ଅନେକ ନଦୀ ରହିଛନ୍ତି । ଶହ ଶହ କୋଟି ଲୋକ ଏହା ଉପରେ ପ୍ରତ୍ୟକ୍ଷ ବା ପରୋକ୍ଷ ଭାବେ ନିର୍ଭର କରୁଛନ୍ତି । ମାତ୍ର ଜଳବାୟୁ ପରିପର୍ତ୍ତନ ଓ ପରିବେଶ ପ୍ରଦୁଷଣର ପ୍ରଭାବ ଏହା ଉପରେ ପଡୁଛି । ଏବେ ଠାରୁ ସଚେତନ ହୋଇ ଗଛ ଲଗାଇଲେ , ଅଙ୍ଗାରକାମ୍ଳ ଉତ୍ପନ କରୁଥିବା ଦିଗ ପ୍ରତି ଧ୍ୟାନ ଦେଇ ଏହାକୁ ହ୍ରାସ କଲେ କିଛିଟା ଆଶ୍ୱସ୍ତି ମିଳିପାରେ ।
