ସମାଜ ଡିଜିଟାଲ ଡେସ୍କ: ରିଆନ ରିକେଲଟନଙ୍କ ଶତକ(୧୦୩) ଏବଂ ଅଧିନାୟକ ଟେମ୍ବା ବବୁମା, ଏଡେନ ମର୍କରମ, ରାସି ଭାବ ଡେର ଡସେନଙ୍କ ଅର୍ଦ୍ଧଶତକ ବଳରେ ଦକ୍ଷିଣ ଆଫ୍ରିକା ଦଳ ଆଫଗାନିସ୍ତାନକୁ ୩୧୬ ରନର ଟାର୍ଗେଟ ଦେଇଛି। ଦକ୍ଷିଣ ଆଫ୍ରିକା ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା। ଆରମ୍ଭରୁ ଦଳ ଭଲ ପ୍ରଦର୍ଶନ କରିଥିଲା। ଟୋନି ଡେ ଜର୍ଜିଙ୍କୁ ଛାଡ଼ିଦେଲେ ଅନ୍ୟ ଟପ ଅର୍ଡର ବ୍ୟାଟ୍ସମ୍ୟାନ ଆକର୍ଷଣୀୟ ଇନିଂସ ଖେଳିଥିଲେ। ରିଆନ ୧୦୩ ରନ କରିଥିବାବେଳେ ବବୁମା ୫୮, ଡସେନ ୫୨ ଏବଂ ମର୍କରମ ୫୨ ରନର ଅର୍ଦ୍ଧଶତକୀୟ ପାଳି ଖେଳିଥିଲେ। ଯାହାଫଳରେ ଦଳ ୫୦ ଓଭରରେ ୬ ଉଇକେଟ ହରାଇ ୩୧୫ ରନ କରିବାରେ ସକ୍ଷମ ହୋଇଥିଲା। ଆଫଗାନିସ୍ତାନ ପକ୍ଷରୁ ମହମ୍ମଦ ନବି ସର୍ବାଧିକ ୨ଟି ଉଇକେଟ ନେଇଥିଲାବେଳେ ଫଜଲାକ୍ ଫାରୁକୀ, ଆଜମାତୁଲ୍ଲା ଓମାରଜାଇ ଏବଂ ନୁର ଅହମ୍ମଦ ଗୋଟିଏ ଲେଖାଏ ଉଇକେଟ ନେଇଥିଲେ।
ଅନ୍ୟପଟେ ୩୧୬ ରନର ବିଜୟ ଲକ୍ଷ୍ୟକୁ ପିଛା କରି ଆଫଗାନ ଦଳର ଦୁଇ ଓପନର ରହମାନୁଲ୍ଲ ଗୁରବାଜ ଏବଂ ଇବ୍ରାହିମ ଜର୍ଡାନ ବ୍ୟାଟିଂ ଜାରି ରଖିଛନ୍ତି। ୨.୪ ଓଭର ସୁଦ୍ଧା ଆଫଗାନିସ୍ତାନ ବିନା କୌଣସି ଉଇକେଟ ହରାଇ ୧୦ ରନ ସଂଗ୍ରହ କରିନେଇଛନ୍ତି।
