ବଲାଣିପଶିରେ ଏକାଦଶ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ

ପାଟଣା: ସାହାରପଡା ବ୍ଲକ ଅନ୍ତର୍ଗତ ସିଲିପଦା ପଞ୍ଚାୟତର ବଲାଣିପଶି ଗ୍ରାମରେ ଏକାଦଶ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଏଥିରେ ୧୬ଟି ଦଳ ଭାଗ ନେଇଥିଲେ। ଫାଇନାଲ ମ୍ୟାଚ ବେଗନା ଦଳ ଓ ଗୁଣ୍ଡୁରିପଶି ମଧ୍ୟରେ ଖେଳ ହୋଇଥିଲା। ଟସ ଜିତି ବେଗନା ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୧୨୫ ରନ ସଂଗ୍ରହ କରିଥିଲା। ଦ୍ୱିତୀୟ ପାଳିରେ ଗୁଣ୍ଡୁରିପଶି ଦଳ ୧୦ ଓଭରରେ ମାତ୍ର ୭୭ ରନ କରି ପରାଜୟ ବରଣ କରିଲା। ଫଳରେ ବେଗନା ଦଳ ୪୮ ରନରେ ବିଜୟୀ ହୋଇଥିଲା। ଚାମ୍ପିଅନ ବେଗନା ଦଳକୁ ୧୦ ହଜାର ଟଙ୍କା ଓ ରନର୍ସଅପ ଗୁଣ୍ଡୁରିପଶିକୁ ୭ ହଜାର ୫ଶହ ଟଙ୍କା ପୁରସ୍କାର ପ୍ରଦାନ କରାଯାଇଥିଲା। ସିଲିପଦା ସରପଞ୍ଚ ଜୟନ୍ତୀ ମୁଣ୍ଡା ଉଭୟ ଦଳକୁ ପୁରସ୍କୃତ କରିଥିଲେ। ବିକାଶ ମହାନ୍ତ ଓ ପ୍ରମୋଦ କୁମାର ନାଏକ ଖେଳ ପରିଚାଳନା କରିଥିଲେ। ନାଏବ ସରପଞ୍ଚ ବୀଣାପାଣି ମହାନ୍ତ ଓ ଗ୍ରାମର ଅବସର ପ୍ରାପ୍ତ ଶିକ୍ଷକ ଆଦିକନ୍ଦ ନାଏକ ଉଦଯାପନୀ ଉତ୍ସବରେ ଉପସ୍ଥିତ ଥିଲେ।