ପିପିଲି : ପୁରୀ ଜିଲା ପିପିଲି ଥାନା ଅନ୍ତର୍ଗତ ମୁର୍ଦ୍ଧନୀପୁର ଗ୍ରାମର ଦଳିତ ସଂପ୍ରଦାୟର ବ୍ୟକ୍ତି ସୁରେନ୍ଦ୍ର ବେହେରାଙ୍କୁ ତଣ୍ଟିଚିପି ହତ୍ୟା କରିବା ଅଭିଯୋଗରେ ପିପିଲି ଏସ୍ଡିପିଓ ଦିଲିପ କୁମାର ତ୍ରିପାଠୀ ଶନିବାର ଅଭିଯୁକ୍ତ ପ୍ରଫୁଲ୍ଲ ଦଳେଇ (୫୪)କୁ ଗିରଫ କରି ପୁରୀ କୋର୍ଟକୁ ଚାଲାଣ କରିଥିବା ସୂଚନା ମିଳିଛି। ଅଭିଯୁକ୍ତର ଘର ଡେଲାଙ୍ଗ ଥାନା ଅନ୍ତର୍ଗତ ଖେଲଉର-ବ୍ରହ୍ମପୁର ଗ୍ରାମରେ ହୋଇଥିବା ଜଣାପଡିଛି। ଗତ ଡିସେମ୍ବର ୩୧ ତାରିଖରେ ସୁରେନ୍ଦ୍ରଙ୍କ ସହ ଅଭିଯୁକ୍ତ ପ୍ରଫୁଲ୍ଲ ଥଟ୍ଟାମଜା କରିବାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା ଓ ପରେ ମାର୍ପିଟ୍ ଘଟିଥିଲା। ସୁରେନ୍ଦ୍ରଙ୍କୁ ଅଭିଯୁକ୍ତ ପ୍ରଫୁଲ୍ଲ ନିସ୍ତୁକ ମାଡ ମାରିବା ସହ ତଣ୍ଟି ଚିପି ହତ୍ୟା କରିଥିବା ନେଇ ପୁଲିସରେ ଅଭିଯୋଗ ହୋଇଥିଲା।
