ସମାଜ ଡିଜିଟାଲ ଡେସ୍କ: ଆମ ଆଦମୀ ପାର୍ଟି (ଆପ) ମୁଖ୍ୟ ଅରବିନ୍ଦ କେଜ୍ରିଓ୍ବାଲ ବିଜେପି ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ବିଜେପି ନେତାମାନେ ପୁଲିସ ଉପସ୍ଥିତିରେ ଭୋଟରଙ୍କୁ ଖୋଲାଖୋଲି ଭାବେ ଟଙ୍କା, ମଦ ଓ ସୁନା ଚେନ ବାଣ୍ଟୁଛନ୍ତି ବୋଲି କେଜ୍ରିଓ୍ବାଲ କହିଛନ୍ତି। ବିଗତ ଦେଢ଼ମାସ ହେବ ବିଜେପି ଭୋଟରମାନଙ୍କୁ ପ୍ରଭାବିତ କରିବାକୁ ଉଦ୍ୟମ କରୁଛି ବୋଲି ସେ ସାମାଜିକ ଗଣମାଧ୍ୟମ ଏକ୍ସ ଜରିଆରେ ଏକ ଭିଡିଓ ପୋଷ୍ଟ କରି ଅଭିଯୋଗ କରିଛନ୍ତି।
जो आपका वोट पैसे या तोहफ़ों से खरीदना चाहे, उसे कभी वोट न दें। आपका वोट आपकी आवाज़ है, इसे पैसे या लालच में न बेचें। https://t.co/KySrP2h4c9
— Arvind Kejriwal (@ArvindKejriwal) January 24, 2025
କେଜ୍ରିଓ୍ବାଲ କହିଛନ୍ତି, କେହି ନିର୍ବାଚନ ଆୟୋଗ ଏବଂ ଆଇନକୁ ଭୟ କରୁନାହାନ୍ତି। ଏପରି କି ପୁଲିସ ବି ଏସବୁକୁ ସୁରକ୍ଷା ଦେଉଛି। ଏହା ଗଣତାନ୍ତ୍ରିକ ପଦ୍ଧତି ପ୍ରତି ଘୋର ବିପଦ। ଯେଉଁ ଟଙ୍କା ଏବଂ ସାମଗ୍ରୀ ବଣ୍ଟାଯାଉଛି ତାହା ସରକାରୀ ପାଣ୍ଠି ନୁହେଁ। ଏସବୁ ଦୁର୍ନୀତି ଜରିଆରେ ଲୋକଙ୍କଠାରୁ ଲୁଟ କରାଯାଇଥିବା ସମ୍ପତ୍ତି। ତେଣୁ କୌଣସି ଭୋଟର ନିଜର ଭୋଟ ବିକ୍ରି କରନ୍ତୁନି ବୋଲି କେଜ୍ରିଓ୍ବାଲ ନିବେଦନ କରିଛନ୍ତି। ମାତ୍ର ୧୧୧୧ ଟଙ୍କା, ଗୋଟିଏ ଶାଢ଼ି, କମ୍ବଳ, ଜୋତା ପାଇଁ ନିଜର ମୂଲ୍ୟବାନ ଭୋଟ ନ ବିକିବାକୁ ସେ କହିଛନ୍ତି। ବିଜେପି ନେତାମାନେ ଯାହାସବୁ ବାଣ୍ଟୁଛନ୍ତି, ସେସବୁ ଗ୍ରହଣ କର, କିନ୍ତୁ ସେହି ଦଳକୁ ଭୋଟ ଦିଅ ନାହିଁ ବୋଲି କେଜ୍ରିଓ୍ବାଲ ଭୋଟରମାନଙ୍କୁ ଆହ୍ବାନ କରିଛନ୍ତି।
