ଡେସ୍କ: ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆସନ୍ତାକାଲି (ଜାନୁଆରୀ ୨୦, ସୋମବାର) ଦ୍ୱିତୀୟ ଥର ପାଇଁ ଆମେରିକାର ୪୭ତମ ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବେ। ଉଭୟ ଟ୍ରମ୍ପ ଏବଂ ନବନିର୍ବାଚିତ ଉପରାଷ୍ଟ୍ରପତି ଜେଡି ଭାନ୍ସ ଶପଥ ଗ୍ରହଣ କରିବେ।
ତେବେ ଆମେରିକା ରାଷ୍ଟ୍ରପତିଙ୍କ ପାରମ୍ପରିକ ଶପଥ ଗ୍ରହଣ ଭଳି ଏଥିରେ ଟ୍ରମ୍ପଙ୍କ ଘନିଷ୍ଠ ସହଯୋଗୀ ଏବଂ ଏପରିକି ତାଙ୍କର କିଛି ପ୍ରତିଦ୍ୱନ୍ଦ୍ୱୀଙ୍କ ସମେତ ଅନେକ ବିଦେଶୀ ନେତା ସାମିଲ ହେବେ। ଏଥିରେ ଅତି କମରେ ୭ ଜଣ ରାଷ୍ଟ୍ରମୁଖ୍ୟ ଓ ଦୁଇ ଜଣ ପୂର୍ବତନ ନେତାଙ୍କୁ ନିମନ୍ତ୍ରଣ କରାଯାଇଛି। ସମ୍ବାଦ ସରବରାହ ସଂସ୍ଥା ରଏଟର୍ସ ଅନୁଯାୟୀ, ମୋଟ ୫ ଲକ୍ଷ ଅତିଥି ଆସିବାର ସମ୍ଭାବନା ରହିଛି।
କାହାକୁ ମିଳିଛି ନିମନ୍ତ୍ରଣ?
୧) ଆର୍ଜେଣ୍ଟିନା ରାଷ୍ଟ୍ରପତି ଜାଭିୟର ମିଲି
୨) ଚୀନ ରାଷ୍ଟ୍ରପତି ଜିନ୍ ପିଙ୍ଗ୍
୩) ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନି
୪) ହଙ୍ଗେରି ପ୍ରଧାନମନ୍ତ୍ରୀ ଭିକ୍ଟର ଓର୍ବାନ୍
୫) ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
୬) ଏଲ୍ ସାଲଭାଡୋର ରାଷ୍ଟ୍ରପତି ନାଇବ ବୁକେଲେ
୭) ବ୍ରାଜିଲର ପୂର୍ବତନ ରାଷ୍ଟ୍ରପତି ଜାଇର ବୋଲସୋନାରୋ
୮) ପୋଲାଣ୍ଡର ପୂର୍ବତନ ପ୍ରଧାନମନ୍ତ୍ରୀ ମାଟେଉସ୍ ମୋରାଭିକ୍
