ଫୁଲବାଣୀ: ଜିଲ୍ଲାର ସଦର ବ୍ଲକ ଫୁଲବାଣୀ ଅନ୍ତର୍ଗତ ସାର୍ତାଗୁଡା ଗ୍ରାମରେ ଦେଶ ସ୍ୱାଧୀନତା ପାଇବା ପରେ ପରେ ୧୯୪୮ ମସିହାରେ ଅନୁସୂଚିତ ଜାତି ଜନଜାତି ବିଭାଗ ପକ୍ଷରୁ ଏକ ଆବାସିକ ବିଦ୍ୟାଳୟ ପ୍ରତିଷ୍ଠା କରାଯାଇଥିଲା। ଅଶା ଥିଲା ଅଞ୍ଚଳରେ ଶିକ୍ଷାର ବିକାଶ ଘଟିବ। କିନ୍ତୁ ବହୁଘାତ ପ୍ରତିଘାତ ମଧ୍ୟ ଦେଇ ଏହି ବିଦ୍ୟାଳୟ ପରିଚାଳିତ ହେଉଥିବା ଦେଖାଯାଉଛି। ବିଦ୍ୟାଳୟର ଅଭାବ ଅସୁବିଧା ସମ୍ପର୍କରେ ପ୍ରଶାସନ, ବିଭାଗୀୟ ଅଧିକାରୀ କିମ୍ବା ଲୋକପ୍ରତିନିଧିଙ୍କ ନଜର ପଡୁନଥିବା ଜଣାପଡ଼ିଛି। ଏହି ବିଦ୍ୟାଳୟରେ ୧୪୦ ସିଟ ଥିବା ସ୍ଥଳେ ବର୍ତମାନ ୧୧୪ ଜଣ ଛାତ୍ର ଛାତ୍ରୀ ଅଧୟନ କରୁଛନ୍ତି। ତେବେ ବିଦ୍ୟାଳୟରେ ମୁଖ୍ୟତଃ ଶ୍ରେଣୀ ଗୃହର ଅଭାବ ରହିଛି। ଏଠାରେ ପାନୀୟ ଜଳର ଘୋର ଅଭାବ ପରିଲିକ୍ଷିତ ହୋଇଛି। ଗ୍ରୀଷ୍ମ ଋତୁରେ ପାନୀୟ ଜଳର ଅଭାବ ଦେଖାଦେଉଛି। ବାଳିକା ମାନଙ୍କ ପାଇଁ ଶୌଚାଳୟ ଅଭାବ ରହିଛି। ବିଦ୍ୟାଳୟରେ ପ୍ରଥମରୁ ୭ମ ଶ୍ରେଣୀ ଥିଲେ ହେଁ ଆବଶ୍ୟକ ଶିକ୍ଷକ ନାହାନ୍ତି। ଏଠାରେ ୩ ଜଣ ସ୍ଥାୟୀ ଶିକ୍ଷକ ଓ ୨ ଜଣ ଅତିଥି ଶିକ୍ଷକରେ ପାଠପଡ଼ା ଚାଲିଛି। ବିଦ୍ୟାଳୟ ପାଇଁ ୪ ଏକର ଜମି ଯୋଗାଇ ଦିଆଯାଇଥିଲେ ମଧ୍ୟ ଖେଳ ପଡ଼ିଆ ନାହିଁ। ଜିଲ୍ଲା ମଙ୍ଗଳ ବିଭାଗ ଅଧିକାରୀ ଓ ସମ୍ୱନ୍ୱିତ ଆଦିବାସୀ ଉନ୍ନୟନ ସମିତି ଅଧିକାରୀ ଏଥି ପ୍ରତି ଦୃଷ୍ଟି ଦେବାକୁ ଗ୍ରାମବାସୀ ଦାବୀ କରିଛନ୍ତି।
Comments are closed.