ନୂଆଦିଲ୍ଲୀ: ଆହ୍ଲାବାଦ ହାଇକୋର୍ଟଙ୍କ କାର୍ଯ୍ୟଶୈଳୀକୁ ନେଇ ସୁପ୍ରିମକୋର୍ଟ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି। କୁଖ୍ୟାତ ଅପରାଧୀ ତଥା ପୂର୍ବତନ ବିଧାୟକ ସ୍ବର୍ଗତ ମୁକ୍ତାର ଆନ୍ସାରୀଙ୍କ ପୁଅ ଆବାସ ଆନ୍ସାରୀଙ୍କ ପକ୍ଷରୁ ଆଗତ ଏକ ମାମଲାର ଶୁଣାଣି କରୁଥିବାବେଳେ ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ଏନ.କୋଟିଶ୍ବର ସିଂହଙ୍କୁ ନେଇ ଗଠିତ ଖଣ୍ଡପୀଠ ଗୁରୁବାର ଏଭଳି ମନ୍ତବ୍ୟ ଦେଇଛନ୍ତି। ଆହ୍ଲାବାଦ ହାଇକୋର୍ଟରେ ମାମଲାଗୁଡିକର ଦାଏର (ଫାଇଲିଂ) ଏବଂ ତାଲିକାଭୁକ୍ତ (ଲିଷ୍ଟିଂ) ପ୍ରକ୍ରିୟା ଭୁଶୁଡି ପଡିଥିବା ଖଣ୍ଡପୀଠ କହିଛନ୍ତି। ଆବାସଙ୍କ ଦ୍ବାରା ଆଗତ ଏକ ଜମିଜମା ମାମଲାର ତୁରନ୍ତ ଶୁଣାଣି କରିବାକୁ ସୁପ୍ରିମକୋର୍ଟ ପୂର୍ବରୁ ଆହ୍ଲାବାଦ ହାଇକୋର୍ଟଙ୍କୁ ନିର୍ଦେଶ ଦେଇସାରିଥିବାବେଳେ ଏହାକୁ ଏପର୍ଯ୍ୟନ୍ତ କାର୍ୟ୍ୟକାରୀ କରାଯାଇ ନାହିଁ। ମାମଲାରେ ପକ୍ଷଭୁକ୍ତ ଅନ୍ୟମାନେ ଏପର୍ଯ୍ୟନ୍ତ ହାଇକୋର୍ଟରୁ ଅନ୍ତରୀଣ ରିଆତି ପାଇସାରିଥିବାବେଳେ ଆବାସଙ୍କ ମାମଲାର ଶୁଣାଣି ଏପର୍ଯ୍ୟନ୍ତ ହୋଇପାରିନାହିଁ। ଉତ୍ତର ପ୍ରଦେଶ ସରକାର ବେଆଇନ ଭାବେ ଆବାସଙ୍କ ସମ୍ପତ୍ତିି ଦଖଲ କରିଥିବାବେଳେ ସେଠାରେ ଆବାସ (ବାସଗୃହ) ଯୋଜନା ଆରମ୍ଭ କରିଛନ୍ତି। ଏହାର ପ୍ରତିବାଦରେ ଆବାସ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ଆବାସଙ୍କ ପକ୍ଷରୁ ବରିଷ୍ଠ ଆଇନଜୀବୀ କପିଲ ସିବଲ ମାମଲା ଲଢୁଛନ୍ତି।
Popular Categories
Previous article
Next article