ବେଙ୍ଗାଲୁରୁ : କର୍ଣ୍ଣାଟକର ତୁମକୁରୁରେ ଆଶ୍ଚର୍ଯ୍ୟ କରି ଦେବା ଭଳି ଏକ ଘଟଣା ସାମ୍ନାକୁ ଆସିଛି । ତୁମକୁରୁ ଜିଲାର ତିପ୍ତୁର ଅଞ୍ଚଳରେ ରଙ୍ଗପୁରା ଗାଁରେ ଜଣେ ଯୁବକ ଏକ ହିଂସ୍ର ଚିତାବାଘକୁ ନିଜ ସାହସିକତା ଦେଖାଇ ଧରି ନେଇଛନ୍ତି । ତାଙ୍କର ସାହସିକତାକୁ ଦେଖି ବନ ବିଭାଗ ଅଧିକାରୀ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଛନ୍ତି । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି । ଯାହା ସଭିଁଙ୍କ ଧ୍ୟାନକୁ ଆକର୍ଷିତ କରୁଛି।
#Karnataka | A brave farmer in #Tumakuru district stopped a #leopard by grabbing its tail during a rescue operation.
As the leopard approached women and children, the farmer lunged at it, allowing the forest officers to capture the animal. The leopard is now at a rescue centre… pic.twitter.com/82zOgN9MzU
— The Times Of India (@timesofindia) January 8, 2025
ଭିଡିଓରେ ଦେଖିପାରିବେ, ଯୁବକ ଜଣକ ଦ୍ରୁତ ଗତିରେ ଆସି ନିଜର ସାହସିକତା ଦେଖାଇ ଦୌଡି ପଳାଉଥିବା ଚିତାବାଘର ଲାଞ୍ଜକୁ ଭିଡି ଧରି ଥିଲେ । ଏହାପରେ ଅନ୍ୟ ବନ୍ୟ ଅଧିକାରୀଙ୍କ ସହ ମିଶି ବାଘକୁ ଯନ୍ତା ଭିତରେ ବନ୍ଦ କରିବା ପାଇଁ ସାହାଯ୍ୟ କରିଥିଲେ।
ମିଳିଥିବା ସୂଚନାନୁଯାୟୀ, ତିପ୍ତୁର ନିକଟରେ ଥିବା ଏକ ଗାଁରେ ଆତଙ୍କ ଖେଳାଇଥିବା ଏହି ଚିତାବାଘ ପାଇଁ ସଭିଏଁ ଭୟଭୀତ ଅବସ୍ଥାରେ ଥିଲେ । ଚିତାବାଘକୁ ଧରିବା ପାଇଁ ଅନେକ ପ୍ରୟାସ କରାଯାଉଥିଲେ ମଧ୍ୟ ଧରାଯାଇ ପାରୁନଥିଲା।
ମଙ୍ଗବାର ଦିନ ଚିତାବାଘ ଦେଖାଯିବା ପରେ ବନ ବିଭାଗ ଅଧିକାରୀ ପୁଣି ଥରେ ବାଘକୁ ଧରିବାକୁ ଚେଷ୍ଟା କରିଥିଲେ । ମାତ୍ର ବାଘ ଖସି ଯିବାକୁ ଉଦ୍ୟମ କରୁଥିଲା । ଏହି ସମୟରେ ଗାଁର ଜଣେ ବାସିନ୍ଦା ବାଘର ଲାଞ୍ଜକୁ ଧରି ପକାଇଥିଲେ । ଏହି ସମୟରେ ବନ ବିଭାଗ ଅଧିକାରୀ ଜାଲ ପକାଇ ବାଘକୁ ଧରି ଯନ୍ତା ଭିତରେ ବନ୍ଦ କରିଥିଲେ ।
ଅନେକ ଦିନ ଧରି ବାଘଟି ଉକ୍ତ ଅଞ୍ଚଳରେ ଥିବାରୁ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା । ଲୋକେ ନିଜର ଦୈନନ୍ଦିନ କାମରେ ଯିବାକୁ ଭୟ କରୁଥିଲେ । ବାଘ ଥିବା ନେଇ ବନ ବିଭାଗ ଖବର ପାଇବା ପରେ ବାଘକୁ ଧରିବାକୁ ଅନେକ ପ୍ରୟାସ କରିଥିଲେ । ମାତ୍ର ବାଘ ସହଜରେ ଧରାପଡୁନଥିଲା । ବାଘ ଧରାପଡିବା ପରେ ଲୋକେ ଆଶ୍ୱସ୍ତି ପ୍ରକାଶ କରିଛନ୍ତି । ଭିଡିଓକୁ ଦେଖି ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
Comments are closed.