ସମାଜ ଡିଜିଟାଲ ଡେସ୍କ: ସାହାଯ୍ୟ ବାହାନାରେ ଯୁବତୀଙ୍କୁ ଅସଦାଚରଣ କରିବା ଅଭିଯୋଗରେ ଗିରଫ ହୋଇଛନ୍ତି ଭୁବନେଶ୍ଵର ଆରପିଏଫ ଏଏସଆଇ। ଜଗତସିଂହପୁରର ଜଣେ ଯୁବତୀଙ୍କ ଅଭିଯୋଗ ଆଧାରରେ ଭୁବନେଶ୍ୱର ଆରପିଏଫ ଏଏସଆଇ ନିରଞ୍ଜନ ଜେନା ଗିରଫ ହୋଇଛନ୍ତି।
ଅଭିଯୋଗ ଅନୁସାରେ, ଯୁବତୀ ଜଣକ ୨ ଦିନ ପୁର୍ବରୁ ଟ୍ରେନରେ ଆସି ଭୁବନେଶ୍ଵର ଷ୍ଟେସନରେ ଓହ୍ଲାଇଥିଲେ। ହଷ୍ଟେଲ ବନ୍ଦ ଥିବାରୁ ସେ ଆରପିଏଫ ଥାନାକୁ ଯାଇଥିଲେ। ସେଠାରେ ଏଏସଆଇ ନିରଞ୍ଜନ ନିଜ ରୁମ୍ରେ ଯୁବତୀଙ୍କୁ ରହିବା ପାଇଁ କହିଥିଲେ। ଯୁବତୀ ରୁମ୍କୁ ଯିବାପରେ ନିରଞ୍ଜନ ତାଙ୍କୁ ଅସଦାଚରଣ କରିଥିଲେ। ଭୟଭୀତ ହୋଇ ଯୁବତୀ ଜଣକ ପିସିଆରକୁ ଫୋନ୍ କରିଥିଲେ। ପିସିଆର ଆସି ଯୁବତୀଙ୍କୁ ଉଦ୍ଧାର କରିଥିବା ଜଣାପଡ଼ିଛି। ଜିଆରପି ଥାନାରେ ଅଭିଯୋଗ ପରେ ଏଏସଆଇ ନିରଞ୍ଜନକୁ ଗିରଫ କରିଛି ପୁଲିସ।
