ଭବାନୀପାଟଣା: ଜୁନାଗଡ଼ ଥାନା ଏଏସଆଇ ମୁକୁନ୍ଦ ଖେମୁଣ୍ଡୁ ଭିଜିଲାନ୍ସ ଜାଲରେ ପଡ଼ିବା ଆଗରୁ ଥାନାରୁ ଚମ୍ପଟ ମାରିଛନ୍ତି। ଏକ ଗଣ୍ଡଗୋଳ ମାମଲାର ରଫାଦଫା ପାଇଁ ଗୋଇରାପଦର ଗାଁର ପ୍ରଭାକର ପୁଝାରୀଙ୍କ ଠାରୁ ଏଏସଆଇ ଶ୍ରୀ ଖେମୁଣ୍ଡୁ, ଶ୍ରୀମୁଖ ବାଗ ନାମକ ହୋମଗାର୍ଡ ମାଧ୍ୟମରେ ୩୫୦୦ ଟଙ୍କା ନେଉଥିଲେ। ଗୁରୁବାର ରାତିରେ ଭିଜିଲାନ୍ସ ଟିମ୍ ଉପସ୍ଥିତିରେ କୁଲିହାରି ଗାଁରେ ଟଙ୍କା ନେଣଦେଣ ପରେ ହୋମଗାର୍ଡ ସୂଚନା ଦେବା ପରେ ଏଏସଆଇ ଜଣକ, ସକାଳେ ଟଙ୍କା ଦେବାକୁ ହୋମଗାର୍ଡକୁ ନିର୍ଦ୍ଦେଶ ଦେଲେ। ହେଲେ ଏଏସଆଇଙ୍କୁ ଧରିବାକୁ ଭିଜିଲାନ୍ସ ଟିମ୍ ଜୁନାଗଡ଼ ଥାନାକୁ ଆସିବା ପରେ ଅନ୍ଧାରର ସୁଯୋଗ ନେଇ ଏଏସଆଇ ଶ୍ରୀ ଖେମୁଣ୍ଡୁ ଚମ୍ପଟ ମାରିଥିଲେ। ସମ୍ପୃକ୍ତ ହୋମଗାର୍ଡକୁ ଅଟକ ରଖି ଫେରାର ଏଏସଆଇଙ୍କୁ ଭିଜିଲାନ୍ସ ଖୋଜୁଛି। ଏକଦା ଜୁନାଗଡ଼ ଥାନା ର ଜଣେ ଥାନାଧିକାରୀଙ୍କୁ ଭିଜିଲାନ୍ସ ଟିମ୍ ଗୋଡ଼ାଇ ଗୋଡ଼ାଇ ଏକ ଗ୍ୟାରେଜ ନିକଟରେ ଧରିବାରୁ ସେ ନାଳିର ମଇଳାରେ ହାତ ବୁଡ଼େଇ ଦେଇଥିଲେ। ସେହିଭଳି ଏଇ ଥାନାର ଜଣେ ଏସଆଇ ଟଙ୍କା ସହିତ ଲକ୍ଷ୍ମୀ ସାଗର ପଡ଼ା ରେ ଲୁଚି ଥିବା ବେଳେ ଭିଜିଲାନ୍ସ ଟିମ୍ ଖୋଜି ବାହାର କରିଥିଲା।
Popular Categories
Previous article
Next article