କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତର ସଦର ମହକୁମାଠାରୁ କିଛି ଦୂରରେ ରହୁଥିବା ଭକ୍ତ ମହାନନ୍ଦିଆଙ୍କ ଘରେ ବ୍ୟବହାର ହେଉଥିବା ପୁରୁଣା ସୋଲାର ବ୍ୟାଟେରୀ ଫାଟି ଘରର ଟାଇଲ ଛପର ଉଡ଼ିଯାଇଛି। ସୋମବାର ସକାଳ ସମୟରେ ଭକ୍ତ ମହାନନ୍ଦିଆ କାମ କରିବାକୁ ଯାଇଥିବାବେଳେ ସ୍ତ୍ରୀ ଓ ପିଲାମାନେ ନାରାୟଣପୁର ଅଙ୍ଗନବାଡି କେନ୍ଦ୍ରକୁ ଯାଇଥିଲେ। ସେହି ସମୟରେ ଘରେ ଥିବା ପୁରୁଣା ସୋଲାର ବ୍ୟାଟେରୀ ଫାଟିଯାଇ ଘରର ଆସବାବପତ୍ର ପୋଡ଼ି ନଷ୍ଟ ହେବା ସହ ଘରର ଟାଇଲ ଛପର ଉଡ଼ିଯାଇଥିବା ଦେଖି ଲୋକେ ପରିବାରକୁ କହିଥିଲେ। ପରିବାର ଲୋକେ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଯୋଗାଯୋଗ କରିବାରୁ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଖବର ପାଇ ରାଜସ୍ୱ ନିରୀକ୍ଷକ ସନ୍ତୋଷ କୁମାର ପଣ୍ଡା ଘଟଣା ସ୍ଥଳରେ ପହଞ୍ଚି ପରିବାରକୁ ପଲିଥିନ ଦେଇଥିଲେ। ଏହି ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ଆବାସ ଗୃହ ଯୋଗାଇଦେବାକୁ ଅଞ୍ଚଳବାସୀ ଦାବି କରିଛନ୍ତି।
Comments are closed.