ଶୁକ୍ରବାର ସମାଜର ପୂର୍ବତନ ସମ୍ପାଦକ ପଦ୍ମଭୂଷଣ ଡ. ରାଧାନାଥ ରଥଙ୍କ ୧୨୮ତମ ଜୟନ୍ତୀ କାର୍ଯ୍ୟକ୍ରମ

କଟକ: ବିଶିଷ୍ଟ ସ୍ଵାଧୀନତା ସଂଗ୍ରାମୀ, ପ୍ରବୀଣ ସାମ୍ବାଦିକ, ପୂର୍ବତନ ମନ୍ତ୍ରୀ ତଥା ସମାଜର ପୂର୍ବତନ ସମ୍ପାଦକ ପଦ୍ମଭୂଷଣ ଡ. ରାଧାନାଥ ରଥଙ୍କ ୧୨୮ତମ ଜୟନ୍ତୀ ଶୁକ୍ରବାର ପାଳନ କରାଯିବ। ଏହି ଉପଲକ୍ଷେ ଲୋକସେବକ ମଣ୍ଡଳ ଓ ସମାଜ ପକ୍ଷରୁ ଶୁକ୍ରବାର ସକାଳେ କଟକ ଗୋପବନ୍ଧୁ ଭବନରେ ଡ.ରାଧାନାଥ ରଥଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବ । ପରେ ଅପରାହ୍ନ ୪ଟାରେ ଏକ ସାଧାରଣ ସଭା ଏବଂ ସନ୍ଧ୍ୟାରେ ୧୨୮ ଦୀପଦାନ କାର୍ଯ୍ୟକ୍ରମ ରହିଛି। ସାଧାରଣ ସଭାରେ ଝାଡଖଣ୍ଡ ହାଇକୋର୍ଟର ପୂର୍ବତନ ମୁଖ୍ୟ ବିଚାରପତି ନ୍ୟାୟମୂର୍ତ୍ତି  ବିଦ୍ୟୁତ୍ ରଞ୍ଜନ ଷଡଙ୍ଗୀ ମୁଖ୍ୟ ଅତିଥି ଓ ବିଶିଷ୍ଟ ଶିକ୍ଷାବିତ୍ ଡ.ଦେବକାନ୍ତ ମିଶ୍ର ମୁଖ୍ୟବକ୍ତା ଭାବରେ ଯୋଗଦେବେ। ଲୋକସେବକ ମଣ୍ଡଳର ରାଷ୍ଟ୍ରୀୟ ସଭାପତି ରାଜକୁମାର ଚୋପ୍ରା  ଏହି ସଭାରେ ଅଧ୍ୟକ୍ଷତା କରିବେ ବୋଲି ଲୋକସେବକ ମଣ୍ଡଳର ରାଷ୍ଟ୍ରୀୟ  ସମ୍ପାଦକ ତଥା ସମାଜର ମୁଦ୍ରାକର ଓ ପ୍ରକାଶକ ଡ. ପ୍ରଭାସ ଚନ୍ଦ୍ର ଆଚାର୍ଯ୍ୟସୂଚନା ଦେଇଛନ୍ତି। ଏହି ଅବସରରେ ସମାଜର ପୂର୍ବତନ ସମ୍ପାଦକ , କାର୍ଯ୍ୟନିର୍ବାହୀ ସମ୍ପାଦକ ମାନଙ୍କୁ ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି।