ପୁନେ: ସମୁଦ୍ରରେ ପଡ଼ୁଥିବା ବର୍ଜ୍ୟ ପ୍ଲାଷ୍ଟିକକୁ ସଫା କରିପାରୁଥିବା ଭଳି ଏକ ଜାହାଜର ପରିକଳ୍ପନା କରିଛନ୍ତି ଜଣେ ୧୨ ବର୍ଷର ଭାରତୀୟ ବାଳକ। ପରିବେଶ ସୁରକ୍ଷା ସହିତ ସାମୁଦ୍ରିକ ଜୀବନ ରକ୍ଷାରେ ଏହି ଜାହାଜ ସହାୟକ ହୋଇପାରିବ ବୋଲି ସେ ଦାବି କରିଛନ୍ତି। ହାଜିକ୍ କାଜି ନାମକ ଏହି ବାଳକଙ୍କ ପରିକଳ୍ପିତ ଜାହାଜର ନାମ ହେଉଛି ‘ଏରଭିସ୍’। ଏକ ଆନ୍ତର୍ଜାତିକ ସମ୍ମିଳନୀରେ ହାଜିକ୍ ତାଙ୍କର ବ୍ଲୁପ୍ରିଣ୍ଟ ଉପସ୍ଥାପନ କରିଛନ୍ତି। ଏହି ପରିକଳ୍ପନା ସମ୍ପର୍କରେ ହାଜିକ୍ କହିଛନ୍ତି ଯେ ସମୁଦ୍ରରେ ପ୍ଲାଷ୍ଟିକର ବହୁଳତା ଦେଖିବା ପରେ ଏହାର ଭୟବହତା ତିନିବର୍ଷ ତଳେ ତାଙ୍କ ମନକୁ ଆସିଥିଲା। ସାମୁଦ୍ରିକ ମାଛ ଜରିଆରେ ପ୍ଳାଷ୍ଟିକ୍ର ଅବଶିଷ୍ଠାଂଶ ଆମ ଶରୀର ଭିତରକୁ ପ୍ରବେଶ କରୁଛି। ସମୁଦ୍ରରେ ପ୍ଳାଷ୍ଟିକ ପ୍ରଦୂଷଣ ସମସ୍ୟା ବଢ଼ିବାରେ ଲାଗିଥିବା ବେଳେ ଏହା ସମଗ୍ର ପ୍ରାଣୀଜଗତ ପ୍ରତି ଘାତକ ସାଜୁଛି। ତେଣୁ ଏହାର ନିରାକରଣରେ ‘ଏରଭିସ’ ସହାୟକ ହୋଇପାରିବ ବୋଲି ସେ କହିଛନ୍ତି।
