ମୁମ୍ବଇ : ମହାରାଷ୍ଟ୍ରରେ ଶନିବାର ନିର୍ବାଚନ ଫଳ ଘୋଷିତ ହୋଇଥିବାବେଳେ ବିଭିନ୍ନ ସ୍ଥାନରେ ବିଭିନ୍ନ ଦଳର ପ୍ରାର୍ଥୀଙ୍କ ତରଫରୁ ବିଜୟ ଉତ୍ସବ ପାଳିତ ହୋଇଛି। ତେବେ ଚାନ୍ଦଗଡ ଆସନରେ ସ୍ବାଧୀନ ପ୍ରାର୍ଥୀ ଶିବାଜି ପାଟିଲ ସମର୍ଥକଙ୍କ ଗହଣରେ ବିଜୟ ଉତ୍ସବ ପାଳନ କରୁଥିବାବେଳେ ହଠାତ ସେଠାରେ ଅଗ୍ନିକାଣ୍ଡ ଘଟିଥିଲା। ମହିଳା ସମର୍ଥକମାନେ ଆଳତି କରି ପାଟିଲଙ୍କୁ ସ୍ବାଗତ ଜଣାଉଥିବାବେଳେ ଏକ କ୍ରେନ ସାହାଯ୍ୟରେ ଉପରୁ ସମର୍ଥକଙ୍କ ଉପରେ ଅବିର ବୃୃଷ୍ଟି କରାଯାଇଥିଲା। ସେହି ଅବିର ଆଳତି ଉପରେ ପଡିବାରୁ ଘଟଣାସ୍ଥଳରେ ନିଆଁ ଲାଗିଯାଇଥିଲା। ଏଥିରେ ପାଟିଲଙ୍କ ସମେତ କେତେକ ମହିଳାଙ୍କ ଶରୀର ପୋଡି ଯାଇଛି। ବିଜେପି ଟିକଟ ନ ପାଇବା ଫଳରେ ଅସନ୍ତୁଷ୍ଟ ପାଟିଲ ଚାନ୍ଦଗଡ ଆସନରୁ ସ୍ବାଧୀନ ଭାବେ ନିର୍ବାଚନ ଲଢିଥିଲେ। ସେ ଏନ୍ସିିପି ପ୍ରାର୍ଥୀ ରାଜେଶ ପାଟିଲଙ୍କୁ ୨୪,୧୩୪ ଭୋଟରେ ହରାଇଛନ୍ତି।
Popular Categories
Previous article
Next article