ବେଙ୍ଗାଲୁରୁ : ପରଲୋକ ଗମନ କରିଥିବା ଶତାୟୁ ମହନ୍ତ ଶିବକୁମାର ସ୍ବାମୀଙ୍କର ଶେଷକୃତ୍ୟ ମଙ୍ଗଳବାର ରାଷ୍ଟ୍ରୀୟ ସମ୍ମାନ ସହିତ ସମ୍ପନ୍ନ ହୋଇଛି। ୧୧୧ ବର୍ଷ ବୟସରେ ସୋମବାର ମହନ୍ତଙ୍କ ଦେହାନ୍ତ ଘଟିଥିଲା। ତାଙ୍କର ଶେଷ ଦର୍ଶନ ଲାଗି ତୁମକୁରୁସ୍ଥିତ ସିଦ୍ଦଗଙ୍ଗା ମଠରେ ଶ୍ରଦ୍ଧାଳୁଙ୍କ ଜନସମାଗମ ଲାଗି ରହିଥିଲା। ମହନ୍ତଙ୍କ ଶବାଧାର ସହିତ ହଜାର ହଜାର ଶ୍ରଦ୍ଧାଳୁ ଅେନ୍ତ୍ୟଷ୍ଟି ସ୍ଥଳ ପର୍ଯ୍ୟନ୍ତ ଯାଇଥିଲେ। ରାଜ୍ୟର ପ୍ରମୁଖ ନେତୃବୃନ୍ଦଙ୍କ ସମେତ କେନ୍ଦ୍ର ପକ୍ଷରୁ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଓ ଡିଭି ସଦାନନ୍ଦ ଗୌଡା ଅେନ୍ତ୍ୟଷ୍ଟି କ୍ରିୟାରେ ଯୋଗ ଦେଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପକ୍ଷରୁ ସେମାନେ ମହନ୍ତଙ୍କୁ ଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସାରା ଜୀବନ ଉତ୍ସର୍ଗିକୃତ ମନୋଭାବ ନେଇ ଜନସେବା କରିଥିବା ମହନ୍ତ ଡକ୍ଟର ଶିବକୁମାର ସ୍ବାମୀଙ୍କୁ ରାଜ୍ୟ ସରକାର ‘କର୍ଣ୍ଣାଟକ ରତ୍ନ’ ସମ୍ମାନରେ ସମ୍ମାନିତ କରିଥିଲେ।
