କେନ୍ଦୁଝର: ଓଲଟିଲା ଗାଡି। ଲୋକେ ବୋହିନେଲେ କୁକୁଡା। କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନଂ ଜାତୀୟ ରାଜପଥରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି। ସକାଳୁ ଏକ କୁକୁଡା ବୋଝେଇ ପିକଅପ୍ ଭ୍ୟାନ୍ ଓଲଟି ପଡିଥିଲା। ଗାଡିଟି ଅନୁଗୁଳରୁ କୁକୁଡା ନେଇ ରାଇରଙ୍ଗପୁର ଯାଉଥିବା ବେଳେ ଭାରସାମ୍ୟ ହରାଇ ଦୁର୍ଘଟଣାର ଶିକାର ହୋଇଥିଲା। ଗାଡି ଓଲଟିବା ଯୋଗୁଁ ଅନେକ କୁକୁଡା ମରିଯାଇଥିବାବେଳେ ସ୍ଥାନୀୟ ଲୋକେ କୁକୁଡା ସବୁକୁ ବୋହି ନେଇଯାଉଥିବାର ଦେଖିବାକୁ ମିଳିଛି। ପରେ ଖବର ପାଇ ତୁରୁମୁଙ୍ଗା ପୁଲିସ୍ ଗାଡିଟିକୁ ଜବତ କରି ତଦନ୍ତ କରୁଥିବା ଜଣାପଡିଛି। ତେବେ ଏହି ଦୁର୍ଘଟଣାରେ ଡ୍ରାଇଭର ଜଣକ ସାମାନ୍ୟ ଆହତ ହୋଇଥିବା ସୂଚନା ମିଳିଛି।
Comments are closed.