ନୂଆଦିଲ୍ଲୀ : ‘ଭାରତୀ ଏୟାରଟେଲ’ କମ୍ପାନୀ ‘ଜିଓ’କୁ ଟକ୍କର ଦେବାପାଇଁ ଏକ ନୂଆ ପ୍ଲାନ ଲଞ୍ଚ କରିଛି। ଏୟାରଟେଲ ୩୬୫ଦିନ ପାଇଁ ଏହି ପ୍ଲାନ ଲଞ୍ଚ କରିଛି। ଯେଉଁଥିରେ ଗ୍ରାହକଙ୍କୁ ସମସ୍ଥ ନେଟୱର୍କରେ ଅନଲିମିଟେଡ କଲିଙ୍ଗ ସହିତ ପ୍ରତିଦିନ ୧ଜିବି ଡାଟା ମିଳିବ। ଏହି ପ୍ଲାନ ସମସ୍ଥ ସର୍କଲ ପାଇଁ ଉପଲବ୍ଧ ରହିଛି। ଏହି ପ୍ଲାନରେ ପ୍ରତିଦିନ ୧ଜିବି ଡାଟା ସହିତ ଲୋକାଲ-ଏସଟିଡି କଲିଙ୍ଗ ଏବଂ ପ୍ରତିଦିନ ୧୦୦ମେସେଜ କରିପାରିବେ। ଏହାସହିତ ଏହି ପ୍ଲାନରେ ଗ୍ରାହକଙ୍କୁ ଏୟାରଟେଲ ଟିଭିରେ ପ୍ରିମିୟମ କଣ୍ଟେଣ୍ଟର ଫ୍ରି ସବ୍ସକ୍ରୀସନ ରହିଛି। ଏହି ପ୍ଳାନର ସୁବିଧା ଏୟାରଟେଲ ଆପ୍ ଏବଂ ୱେବସାଇଟରୁ ନେଇପାରିବେ।
ଏୟାଟେଲର ଏହି ପ୍ଲାନର ଟକ୍କର ସିଧାସଳଖ ଜିଓର ୧,୬୯୯ଟଙ୍କା ପ୍ଲାନ ସହିତ ହେବ। ଯେଉଁଥିରେ ଗ୍ରାହକଙ୍କୁ ଅନଲିମିଟେଡ କଲିଙ୍ଗ ସହିତ ପ୍ରତିଦିନ ୧.୫ଜିବି ଡାଟା ମିଳିବ। ଜିଓର ଏହି ପ୍ଲାନର ବୈଧତା ମଧ୍ୟ ୩୬୫ଦିନ।
କହିରଖୁଛୁ ଭୋଡାଫୋନ ପାଖରେ ମଧ୍ୟ ୩୬୫ଦିନର ଏକ ପ୍ଲାନ ରହିଛି। ଯାହାର ମୂଲ୍ୟ ୧,୪୯୯ଟଙ୍କା, ସେହିଭଳି ବିଏସ୍ଏନ୍ଲର ୩୬୫ଦିନର ପ୍ଲାନର ମୂଲ୍ୟ ୧୩୧୨ଟଙ୍କା। ମାତ୍ର ଏହି ପ୍ଲାନ ଦ୍ୱାରା ପ୍ରତିଦିନ ୫ଜିବି ଡାଟା ମିଳିଥାଏ।
