ଡେସ୍କ: ଆତଙ୍କବାଦୀଙ୍କ ଦେଶ କୁହାଯାଉଥିବା ପାକିସ୍ତାନରେ ଗୁରୁବାର ଯାତ୍ରୀବାହୀ ଗାଡ଼ି ଉପରରେ ଆତଙ୍କବାଦୀ ଆକ୍ରମଣରେ ୩୮ ଜଣଙ୍କ ମୃତ୍ୟୁ ଘଟିଛି। ପାକିସ୍ତାନର ପ୍ରମୁଖ ଟିଭି ଚ୍ୟାନେଲ ଜିଓ ଟିଭି ଅନୁଯାୟୀ, ପାରାଚିନାରରୁ ପେଶାୱାର ଅଭିମୁଖେ ଯାଉଥିବା ଏକ ଯାତ୍ରୀବାହୀ ଗାଡି ଉପରେ ଆକ୍ରମଣ ହୋଇଛି।
ସୂଚନା ଅନୁଯାୟୀ, କୁରମ ଜିଲ୍ଲାର ଓଚାଟ ଅଞ୍ଚଳରେ ଆତଙ୍କବାଦୀମାନେ ଯାତ୍ରୀବାହୀ ଗାଡ଼ି ଉପରକୁ ଗୁଳି ଚଳାଇବାରୁ ଜଣେ ମହିଳା ଓ ଜଣେ ଶିଶୁଙ୍କ ସମେତ ଅତି କମରେ ୩୮ ଜଣଙ୍କର ମୃତ୍ୟୁ ଘଟିଛି ବୋଲି ପୁଲିସ ଜିଓ ନ୍ୟୁଜ୍କୁ କହିଛି। ଆକ୍ରମଣରେ ୧୦ରୁ ଅଧିକ ଯାତ୍ରୀ ଆହତ ହୋଇଥିବା ଜଣାପଡିଛି।
ଇସଲାମାବାଦରେ ଏକ ସାମ୍ବାଦିକ ସମ୍ମିଳନୀରେ କୁରମ ଘଟଣାକୁ ତୀବ୍ର ନିନ୍ଦା କରି ଆଭ୍ୟନ୍ତରୀଣ ମନ୍ତ୍ରୀ ମୋହସିନ ନକଭି ନିଶ୍ଚିତ କରିଛନ୍ତି ଯେ ଏହି ଭୟଙ୍କର ବନ୍ଧୁକ ଆକ୍ରମଣରେ ୩୮ ଜଣଙ୍କ ମୃତ୍ୟୁ ଘଟିଛି।
Comments are closed.