ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ଗୁଣ୍ଡିଚା ନଗରରେ ଏକ ନିର୍ମାଣଧୀନ କୋଠା ପରିସରରୁ ଲକ୍ଷାଧିକ ଟଙ୍କାର କାଠ ସହ ଟାଇଲ ଓ ମେସିନ ଚୋରି ଘଟଣାରେ ପୁଲିସ ୩ ଅଭିଯୁକ୍ତକୁ ଗିରଫ କରିବା ସହ ଚୋରି ଯାଇଥିବା ସମସ୍ତ ସାମଗ୍ରୀ ଓ ଏକ ଡାଲା ଅଟୋକୁ ଜବତ କରିଛି। ଗିରଫ ଅଭିଯୁକ୍ତ ମାନେ ହେଲେ ଫୁଲଟାର ରବି ଦାସ, ପାଟପୁରର ଜଗନ୍ନାଥ ବାଡତିଆ ଓ କନିସି ଗାଁର ଓ ବେଣୁ ଗୋପାଳ ବୋଲି ପୁଲିସ ସୁଚନା ଦେଇଛି। ଗିରଫ ଅଭିଯୁକ୍ତ ମାନଙ୍କ ଠାରୁ ଏକ ଡାଲା ଅଟୋ ସହ ୫୮ ପେଟି ଟାଇଲ ,୫୦ ପିସ୍ ଟିକ କାଠ ପଟା, ୨ଟି କଟିଂ ମେସିନ, ୩ଟି ହାତ ଡ୍ରିଲ ମେସିନ ସହ ଅନ୍ୟାନ୍ୟ ସାମଗ୍ରୀ, ଗୋଟିଏ ସ୍କୁଟି ଓ ୩ଟି ମୋବାଇଲ ଜବତ କରାଯାଇଥିବା ଆଇଆଇସି ବିବେକାନନ୍ଦ ସ୍ବାଇଁ ସୂଚନା ଦେଇଛନ୍ତି।
ଅଭିଯୋଗ ଅନୁଯାୟୀ ଗତ ୮ ତାରିଖରେ ଗୁଣ୍ଡିଚା ନଗରରେ ଥିବା ରାମଚନ୍ଦ୍ର ସେଠୀଙ୍କ ନିର୍ମାଣଧୀନ କୋଠାର ଠିକାଦାର ଭାବେ କନିସିର ସନ୍ତୋଷ କୁମାର ଦଳାଇ କାମ କରୁଥିଲେ। ୮ ତାରିଖ ଦିନ କାଠ ସହ ଅନ୍ୟାନ୍ୟ ସାମଗ୍ରୀ ଆଣି କୋଠାରେ ରଖିଥିଲେ। କିନ୍ତୁ ସକାଳୁ କୋଠା ପରିସରକୁ ଆସିଥିବା ସମୟରେ ସମସ୍ତ ସାମଗ୍ରୀ ଚୋରି ଯାଇଥିବା ଜାଣି ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ଏକ ମାମଲା ରୁଜୁ କରିବା ସହ ସେଠାରେ ଥିବା ସିସିଟିଭି ଫୁଟେଜ ଆଧାରରେ ଅଭିଯୁକ୍ତ ମାନଙ୍କୁ ଗିରଫ କରିବା ସହ ସେମାନଙ୍କ ଠାରୁ ସମସ୍ତ ସାମଗ୍ରୀ ଜବତ କରିଥିଲେ।
Comments are closed.