କଲମପୁର : କଲମପୁର ଜୁନାଗଡ ମୁଖ୍ୟ ରାସ୍ତାର ବାବୁକେନ୍ଦୁଗୁଡା ରାଣୀବନ୍ଧ ନିକଟରେ ଗତ ବିଳମ୍ବିତ ରାତିରେ ଘଟିଥିଲା ଏକ ଦୁର୍ଘଟଣା। ବାଇକ ଧକ୍କାରେ ଇଛାପୁର ଗ୍ରାମର ମୁନୀ ମାଝୀ ନାମକ ଜନୈକ ପଥଚାରୀ ଗୁରୁତର ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ଚିକିତ୍ସାପାଇଁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା। କିନ୍ତୁ ସ୍ୱାସ୍ଥ୍ୟ କେନ୍ଦ୍ରରେ ପହଂଚିଲା ବେଳକୁ ପଥଚାରୀ ମୁନୀ ମାଝୀଙ୍କ ମୃତ୍ୟୁ ହୋଇ ସାରିଥିବା ନେଇ ଡାକ୍ତର ସୂଚନା ଦେଇଥିଲେ। ଏନେଇ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ କଲମପୁର ଥାନାକୁ ସୂଚନା ଦିଆଯାଇଥିଲା। ପୁଲିସ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଂଚି ମୃତଦେହ ଜବତ କରିଥିଲେ । ମୃତକଙ୍କ ପୁଅ ସତ୍ୟ ମାଝୀଙ୍କ ଏତଲାକୁ ଭିତିକରି ଏକ ଦୁର୍ଘଟଣା ଜନିତ ମାମଲା ରୁଜୁ କରିବା ପରେ ସୋମବାର ସକାଳ ୧୦ଟା ବେଳେ ପୁଲିସ ଥାନା ଅଧିକାରୀ ପ୍ରଦୀପ୍ତ କୁମାର କାନୁନଗୋ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଂଚି ମୃତଦେହର ପଂଚନାମା କରିଥିଲେ। ଏହାପରେ ମୃତଦେହ ବ୍ୟବଚ୍ଛେଦ ପାଇଁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରାଯାଇଛି। ଅନ୍ୟପଟେ ବାଇକ ଚାଳକକୁ ପୁଲିସ ଅଟକ ରଖି ଘଟଣାର ତଦନ୍ତ ଜାରି ରଖିଛି।
ଅଲମୋରାରେ ଖାଇକୁ ଖସିଲା ଯାତ୍ରୀବାହୀ ବସ୍; ୧୫ରୁ ଅଧିକ ଯାତ୍ରୀ ମୃତ..
Comments are closed.