ଗୁଳିମାଡ଼ରେ ଯୁବକ ଗୁରୁତର

ବାସୁଦେବପୁର: ଧାମରା ପୋର୍ଟ ଥାନା ଅଂଚଳ କିଶୋର ପ୍ରସାଦ ଛକରେ ଗୁଳିକାଣ୍ଡ ଘଟିଛି। ଶନିବାର ରାତି ପ୍ରାୟ ୯ଟା ସମୟରେ କେତେକ ଅଜଣା ଯୁବକ ରାଜେନ୍ଦ୍ର ମହାପାତ୍ର (୪୭) ନାମକ ଯୁବକ ଉପରକୁ ଗୁଳି ମାଡ଼ କରିଛନ୍ତି। ତାଙ୍କ କାନ ପାଖରେ ଗୁଳି ବାଜିଛି। ପରିବାର ପକ୍ଷରୁ ତାଙ୍କୁ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ହେବାରୁ ପ୍ରଥମେ ଭଦ୍ରକ ମୁଖ୍ୟ ଚିକିତ୍ସାଳୟ ଓ ପରେ କଟକ ବଡ ଡାକ୍ତରଖାନାକୁ ପଠାଇ ଦିଆଯାଇଛି।

ଗୁଳିମାଡ଼ରେ ଯୁବକ ଗୁରୁତର pic.twitter.com/ml9vyNiF5c

— Samaja Live (@samajalive) November 3, 2024

ପରିବାରର ସୂଚନା ଅନୁଯାୟୀ, କିଶୋରେ ପ୍ରସାଦ ଛକରେ କେତେକ ଅଜଣା ଯୁବକ ଛିଡା ହୋଇଥିଲେ। ରାଜେନ୍ଦ୍ର କାହିଁକି ଛିଡା ହୋଇଛ ପଚାରିବାରୁ ହଠାତ ସେମାନଙ୍କ ଭିତରୁ ଜଣେ ରାଜେନ୍ଦ୍ରଙ୍କ ଉପରକୁ ଗୁଳି ଚାଲିଥିଲା। ଘଟଣା ସ୍ଥଳରେ ରାଜେନ୍ଦ୍ର ପଡିଯାଇଥିଲା। ଖବର ପାଇ ପରିବାର ଓ ସମ୍ପର୍କୀୟ ସଂଜ୍ଞାହୀନ ଅବସ୍ଥାରେ ଉଦ୍ଧାର କରି ବାସୁଦେବପୁର ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଗୁଳି କାଣ୍ଡର କାରଣ ଜଣାପଡିନାହିଁ।