ଭୁବନେଶ୍ଵର: ଜଗତଜନନୀ ମାଆ ଦୁର୍ଗାଙ୍କ ଶାରଦୀୟ ପୂଜା। ମାଆ ଦୁର୍ଗାଙ୍କ ଆଗମନ ପାଇଁ ଉତ୍ସବମୂଖର ହୋଇଉଠିଛି ଗାଁ ଠୁ ସହର। ଆଜି ଶକ୍ତିପୀଠ ମାନଙ୍କରେ ମା ଦୁର୍ଗାଙ୍କ ମହାଷ୍ଟମୀ ପୂଜା ଧୁମଧାମରେ ଅନୁଷ୍ଠିତ ହେଉଥିବାବେଳେ ମଣ୍ଡପ ଗୁଡିକରେ ଆରମ୍ଭ ହୋଇଛି ମହାସପ୍ତମୀ ପୂଜା। ଦ୍ଵୈତ ନଗରୀ କଟର , ଭୁବନେଶ୍ଵର ସମେତ ସମଗ୍ର ରାଜ୍ୟର ପୁରପଲ୍ଲୀ ଉତ୍ସବମୂଖର ହୋଇଉଠିଛି। ଗତ ସନ୍ଧ୍ୟାରେ ମାଙ୍କ ବିଲ୍ବ ବରଣ ପୂଜା ଅନୁଷ୍ଠିତ ହେବା ପରେ ଆଜିଠାରୁ ୪ ଦିନିଆ ଶାରଦୀୟ ମହା ପାର୍ବଣ ଆରମ୍ଭ ହୋଇଛି। ପାର୍ବଣକୁ ଦୃଷ୍ଟିରେ ରଖି ଦ୍ଵୈତ ନଗରୀରେ କମିଶନରେଟ୍ ପୁଲିସ୍ ପକ୍ଷରୁ ୨ ଶହରୁ ଅଧିକ ପ୍ଲାଟୁନ୍ ପୁଲିସ୍ ଫୋର୍ସ ମୂତୟନ ହୋଇଛନ୍ତି। ପ୍ରଥମ ଦିନରୁ କଟକରେ ଗହଳି ଦେଖିବାକୁ ମିଳିଛି। କଟକରେ ଲୋକଙ୍କ ପ୍ରବଳ ଗହଳିକୁ ଦୃଷ୍ଟିରେ ରଖି ୬୫ ପ୍ଲାଟୁନ୍ ପୁଲିସ୍ ଫୋର୍ସ ମୁତୟନ ହୋଇଛନ୍ତି। ଏହାବ୍ୟତୀତ ସୁନା , ରୂପା ମଣ୍ଡପ ଗୁଡିକ ସମ୍ପୂର୍ଣ୍ଣ ସିସି ଟିଭି ନଜରରେ ରହିଛି। ଟ୍ବିନ୍ ସିଟିରେ ସୁଉଚ୍ଚ ତୋରଣ ସାଙ୍ଗକୁ ଚିକମିକ୍ ଆଲୋକମାଳାରେ ଝଲସୁଛି ପୂଜା ମଣ୍ଡପ । ତାସାଙ୍ଗକୁ ମୀନା ବଜାର ଦର୍ଶକଙ୍କ ମନ ମୋହୁଛି। ନୟାପଲ୍ଲୀ, ସହିଦ ନଗର, ଝାରପଡା, ରସୁଲଗଡ, ବରମୁଣ୍ଡା, ସହିଦନଗର, ଷ୍ଟେସନ ବଜାର ଆଦି ପ୍ରମୂଖ ମଣ୍ଡପରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
Comments are closed.