କଣ୍ଟାବାଞ୍ଜି: କେ.ଭି.ଡିଗ୍ରୀ ମହାବିଦ୍ୟାଳୟ କଣ୍ଟାବାଞ୍ଜିରେ ନୂଆ ଶିକ୍ଷା ନୀତି ଉପରେ ଏକ କର୍ମଶାଳାର ଆୟୋଜନ କରାଯାଇଥିଲା। ଏଥିରେ ମହାବିଦ୍ୟାଳୟ ଅଧ୍ୟକ୍ଷ ପଦ୍ମଲୋଚନ ବର୍ମା ସଭାପତିତ୍ବ କରି ନୂଆ ଶିକ୍ଷା ନୀତିର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ବାଣିଜ୍ୟ ଅଧ୍ୟାପକ ଯଶୋବନ୍ତ ନାରାୟଣ ମିଶ୍ର ନୂଆ ଶିକ୍ଷା ନୀତିର ପାଠ୍ୟ ଖସଡ଼ା ଓ ପୂରୁଣା ଖସଡ଼ା ମଧ୍ୟରେ ଥିବା ପ୍ରଭେଦ ସହ ଅନ୍ୟ ଦିଗ ଉପରେ ଆଲୋକପାତ କରିଥିଲେ। ଯୁକ୍ତ ଦୁଇ ଅଧ୍ୟକ୍ଷ ରାଜେଶ ମହାନ୍ତି ମଞ୍ଚାସିନ ଥିଲେ। ଇତିହାସ ଅଧ୍ୟାପକ ରୋହିତ କୁମ୍ଭାର ମଂଚ ପରିଚାଳନା କରିଥିଲେ ଓ ପି ପି ପି ମାଧ୍ୟମରେ ଅବଗତ କରାଇଥିଲେ। ମହାବିଦ୍ୟାଳୟର ସମସ୍ତ ବିଭାଗର ଅଧ୍ୟାପକ ଅଧ୍ୟାପିକାମାନେ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ। ଶେଷରେ ଓଡ଼ିଆ ଅଧ୍ୟାପକ ଡ଼ଃ ସୁଶାନ୍ତ ଧନ୍ୟବାଦ ଅର୍ପଣ କରିଥିଲେ।
Comments are closed.