କଣ୍ଟାବାଞ୍ଜି: କଣ୍ଟାବାଞ୍ଜି ଅଞ୍ଚଳରେ ଅନେକ ଦିନରୁ ଦାଦନ ଶ୍ରମିକ ଚାଲାଣ ହେଉଛି। ତେବେ ଏହାକୁ ନେଇ ବଲାଙ୍ଗୀର ଜିଲ୍ଲା ପ୍ରଶାସନ, ରେଳବାଇ ପୁଲିସ, ଆକ୍ସନଆଡ଼ ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ରେଳବାଇ ଷ୍ଟେସନ ପରିସରରେ ଆୟୋଜନ ହୋଇଛି। ଏଥିରେ ଅତିଥି ଭାବେ କଣ୍ଟାବାଞ୍ଜି ଥାନା ଅଧିକାରୀ ରଶ୍ମିତା ବେହେରା ଆରପିଏଫ ଅଧିକାରୀ ସୁନୀଲ କୁମାର, ଷ୍ଟେସନ ମ୍ୟାନେଜର ପ୍ରଦୀପ କୁମାର, ଅତିରିକ୍ତ ଶ୍ରମ ଅଧିକାରୀ ସୋନମ ଅଗ୍ରୱାଲ, ଆଡ଼ଅଟ ଆକ୍ସନ ପ୍ରୋଗ୍ରାମ ମ୍ୟାନେଜର ସରୋଜ କୁମାର ବାରିକ, ଜିଲ୍ଲା ସଂଯୋଜକ ସନ୍ଧ୍ୟା ରାଣୀ ପତି ପ୍ରମୁଖ ମଞ୍ଚସିନ ଥିଲେ। ଅଞ୍ଚଳରେ ରାଜ୍ୟ ବାହାରକୁ ବେଆଇନ ଭାବେ ଚାଲାଣ ହେଉଥିବା ଦାଦନ ଶ୍ରମିକ ମାନଙ୍କୁ ଆମେ କେମିତି ରୋକିବା ସେନେଇ ଆଲୋଚନା ହୋଇଥିଲା। ପରେ ଲିଫଲେଟ ମାଧ୍ୟମରେ ଅଞ୍ଚଳରେ ଥିବା ଦାଦନ ଶ୍ରମିକ ଓ ଶିଶୁ ଶ୍ରମିକ ଚାଲାଣ ହେଲେ ଜିଲ୍ଲା ପ୍ରଶାସନଙ୍କୁ ଜଣାଇବାକୁ ଅନୁରୋଧ କରାଯାଇଛି। ତେବେ ଏଥିରେ କିଛି ହେଲ୍ପ ଲାଇନ ନମ୍ବର ମଧ୍ୟ ଜାରି କରାଯାଇଛି।
Comments are closed.