ନୂଆଦିଲ୍ଲୀ : ଯୁବତୀଙ୍କୁ ଜଣେ ଅଟୋ ଡ୍ରାଇଭର ଚାପୁଡା ମାରିବା ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଘଟଣାଟି ବେଙ୍ଗାଲୁରୁରେ ଘଟିଛି । ଜଣେ ଅଟୋ ଚାଳକ ୨ ଜଣ ଯୁବତୀଙ୍କ ସହ ଦୁର୍ବ୍ୟବହାର କରିବା ସହ ଜଣଙ୍କୁ ଚାପୁଡା ମାରିଛନ୍ତି । କୁହାଯାଉଛି କି ରାଇଡ୍ କ୍ୟାନ୍ସଲ କରିବା ପରେ ଅଟୋ ଚାଳକ ରାଗିଗଲେ ଏବଂ ଯୁକ୍ତିତର୍କ କରିବା ସମୟରେ ଜଣେ ଯୁବତୀଙ୍କୁ ଚାପୁଡା ମାରିଦେଲେ । ସାମାଜିକ ଗଣମାଧ୍ୟମରେ ଏହି ଭିଡିଓ ଏବେ ଭାଇରାଲ ହେଉଛି ।
The safety of women is of utmost importance. If, in broad daylight, this individual was able to assault two women merely for canceling a ride due to an issue, one can only imagine the potential dangers he could pose in more secluded settings. Bangalore City Police, it is… pic.twitter.com/FVikEPcoJH
— Karnataka Portfolio (@karnatakaportf) September 5, 2024
ଭିଡିଓରେ ନଜର ଆସୁଛି କି ଅଟୋ ଚାଳକ ଉଚ୍ଚ ସ୍ବରରେ ଅନ୍ୟ ଏକ ଅଟୋରେ ବସିଥିବା ଯୁବତୀଙ୍କ ସହ ଯୁକ୍ତି କରୁଛନ୍ତି । ଅଟୋ ଚାଳକ ରାଇଡ୍ ରଦ୍ଦ ହେବା ପରେ ତାଙ୍କ ଉପରେ ଖପ୍ପା ହୋଇ ତର୍କ କରୁଛନ୍ତି । ସାମାଜିକ ଗଣମାଧ୍ୟମରେ ଏହି ଭିଡିଓକୁ ହଜାର ହଜାର ଲୋକ ଦେଖିସାରିଛନ୍ତି ଏବଂ ବେଙ୍ଗାଲୁରୁ ପୁଲିସକୁ ସେହି ଅଟୋ ଚାଳକଙ୍କ ବିରୁଦ୍ଧରେ କଠିନ କାର୍ଯ୍ୟାନୁଷ୍ଠାନ ଦାବି କରୁଛନ୍ତି ।
