ଦେଓଗାଁ: ଦେଓଗାଁ ସଦର ପଞ୍ଚାୟତର କନ୍ଧପାଲି ପଡ଼ାରୁ ଏକ ନାଗସାପକୁ ଉଦ୍ଧାର କରି ଜଙ୍ଗଲରେ ଛଡାଯାଇଛି। କଛାର ପାଲି କନ୍ଧ ପାଲିପଡାର ଲଳିତ କୁଆରଙ୍କ ଘରକୁ ଏକ ନାଗସାପ ପଶି ଆସିବାରୁ ପରିବାରଲୋକେ ଭୟଭୀତ ହୋଇ ପଡ଼ିଥିଲେ। ଏହାପରେ କଛାର ପାଲି ସାହୁ ପଡ଼ାର ନାଗ ବାଚା ଗୁରୁ ଭାବରେ ପରିଚିତ ଥିବା ରାମଚନ୍ଦ୍ର ମନହୀରା ଘଟଣାସ୍ଥଳରେ ପହଞ୍ଚି ସାପ କୁ ଉଦ୍ଧାର କରିଥିଲେ। ମନହୀରା ଚଳିତ ବର୍ଷ ୩୮ଟି ସାପକୁ ଏମିତି ଉଦ୍ଧାର କରି ଜଙ୍ଗଲରେ ଛାଡୁଥିବାରୁ ଅଞ୍ଚଳରେ ପ୍ରଶଂସାର ପାତ୍ର ହୋଇଛନ୍ତି। ଅନ୍ୟପକ୍ଷରେ ଦେଓଗାଁ ବନାଞ୍ଚଳରେ ସ୍ନେକ ହେଲ୍ପ ଲାଇନର ସ୍ଥାୟୀ କର୍ମଚାରୀ ନ ଥିବାରୁ ସାପ ବାହାରିଲେ ଲୋକମାନେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ଏଣୁ ବନ ବିଭାଗ ଏ ଦିଗରେ ପଦକ୍ଷେପ ନେବାକୁ ସାଧାରଣରେ ଦାବୀ ହେଉଛି।
ବଡ ସଫଳତା ; ସୁରକ୍ଷାକର୍ମୀ-ନକ୍ସଲ ଗୁଳି ବିନିମୟ : ୬ ନକ୍ସଲ ନିହତ, ୨ ଯବାନ ଆହତ
