ପାଟଣା :ଜଣେ ବିବାହିତା ଆଦିବାସୀ ମହିଳାଙ୍କୁ ଦୁଷ୍କର୍ମ ଅଭିଯୋଗରେ ପାଟଣା ପୁଲିସ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣକ ଜଣେ କାର ଚାଳକ ଓ ସେ କରଞ୍ଜିଆର କାହ୍ନା ଓରଫ ବେଣୁଧର ଗ୍ରହାଚାର୍ଯ୍ୟ(୨୪) ବୋଲି ଜଣାପଡିଛି। ସାହାରପଡା ବ୍ଲକ ଭାଲିଆଡିହା ଗ୍ରାମରୁ ୫ ଜଣ ମହିଳା କରଞ୍ଜିଆର ଏକ ଭଡା କାର ଯୋଗେ ବିଶୋଇ ଅଞ୍ଚଳର ପାଖବନ୍ଧକୁ ଆଦିବାସୀ ମେଳା ଦେଖିବାକୁ ଗତ ୨୦ ତାରିଖ ସନ୍ଧ୍ୟାରେ ଯାଇଥିଲେ। ରାତିରେ ଫେରିବା ସମୟରେ ଅନ୍ୟ ମହିଳା ମାନେ ନିଜ ନିଜ ଘର ପାଖରେ ଓହ୍ଲାଇ ଯାଇଥିବା ବେଳେ ଶେଷରେ ଗ୍ରାମ ମୁଣ୍ଡରେ ଓହ୍ଲାଇବା ପାଇଁ କାରରେ ଥିବା ୨୦ବର୍ଷୀୟା ଆଦିବାସୀ ମହିଳାଙ୍କୁ କାହ୍ନା ପୁନର୍ବାର କରଞ୍ଜିଆ ନେଇ ଦୁଷ୍କର୍ମ କରିଥିଲା। ମହିଳା ଜଣକ କରଞ୍ଜିଆରୁ ଫେରି ପାଟଣା ଥାନାରେ ଏତଲା ଦେଇଥିଲେ। ଥାନା କେଶ ନଂ ୨୮୨/୨୦୨୪ରେ ଏସଟି ଆଇନରେ ଘଟଗାଁ ଏସଡିପିଓ ପ୍ରଭାତ କୁମାର ତ୍ରିପାଠୀ ଘଟଣାର ତଦନ୍ତ କରୁଥିଲେ। ଗିରଫ ଅଭିଯୁକ୍ତର ଡାକ୍ତରୀ ମାଇନା ପରେ ତାକୁ କୋର୍ଟ ଚାଲାଣ କରାଯାଇଛି।
Comments are closed.