ଭୁବନେଶ୍ଵର: ଆଜି ବିଧାନସଭା ଅଧିବେଶନର ଚତୁର୍ଥ ଦିନ। ଚିକିଟି ମଦ ମୃତ୍ୟୁକୁ ନେଇ ଆଜି ପୁଣି ହୁଲସ୍ତୁଲ ହୋଇପାରେ ଗୃହ। ବିରୋଧୀ ବିଜେଡି ଅବକାରୀ ମନ୍ତ୍ରୀଙ୍କ ଇସ୍ତଫା ଦାବିରେ ଅଟଳ ରହିଛି। ଦୁଇ ଦିନ ଧରି ଗୃହରେ ଏହି ପ୍ରସଙ୍ଗରେ ଶାସକ ଦଳ କୁ ଘେରି ପ୍ରଶ୍ନ କରିଛି ବିଜେଡି। ଆଜି ମଧ୍ୟ ଗୃହ ସ୍ଵାଭାବିକ ହେବା ଆଶା କ୍ଷୀଣ ରହିଛି। ତେବେ ଅନେକ ଗୁରୁତ୍ଵପୂର୍ଣ୍ଣ ବିଭାଗର ପ୍ରଶ୍ନକାଳ ରହିଛି। ବିଦ୍ୟାଳୟଓ ଗଣ ଶିକ୍ଷା, ଉଚ୍ଚଶିକ୍ଷା , ଶିଳ୍ପ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ଏବଂ ସଂଖ୍ୟାଲଘୁ ସମ୍ପ୍ରଦାୟ ଏବଂ ପଛୁଆ ବର୍ଗ କଲ୍ୟାଣ , କ୍ରୀଡା ଓ ଯୁବ କଲ୍ୟାଣ , ଦକ୍ଷତା ବିକାଶ ଓ ବୈଷୟିକ ଶିକ୍ଷା, ଓଡିଆ ଭାଷା ସାହିତ୍ୟ ଓ ସଂସ୍କୃତି , ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ପ୍ରଶ୍ନକାଳ ରହିଛି। ସେହିପରି ଖାଦ୍ୟଯୋଗାଣ ଓ ଖାଉଟି କଲ୍ୟାଣ ଏବଂ ସମବାୟ ବିଭାଗର ଖର୍ଚ୍ଚ ଦାବି ଆଲୋଚନା ରହିଛି। ବିରୋଧୀ ପକ୍ଷରୁ ମଧ୍ୟ ମୂଲତବୀ ପ୍ରସ୍ତାବ ଦିଆଯିବ।
Comments are closed.