ନୂଆଦିଲ୍ଲୀ : ସ୍ତ୍ରୀକୁ ମଦ୍ୟପ ସ୍ବାମୀ ମୋଟର ସାଇକଲ ପଛରେ ବାନ୍ଧି ଘୋଷାଡି ନେବା ଭଳି ଚାଞ୍ଚଲ୍ୟକର ଘଟଣା ଘଟିଛି ରାଜସ୍ଥାନ ନାଗୌର ଜିଲାରେ। ମାସକ ତଳେ ଘଟିଥିବା ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହେବା ପରେ ଏହା ସାଧାରଣରେ ଚର୍ଚ୍ଚାର ବିଷୟ ହୋଇଛି। ପୁଲିସ କହିବା ଅନୁଯାୟୀ ପ୍ରେମରାମ ମେଘୱାଲ (୩୨) ନିୟମିତ ଭାବେ ତା’ ସ୍ତ୍ରୀକୁ ମାରଧର କରିବା ସହିତ ନିର୍ଯାତନା ଦେଇଥାଏ। ଏହି କ୍ରମରେ ଗୋଟିଏ ଦିନ ପ୍ରେମରାମ ତା’ ସ୍ତ୍ରୀକୁ ମାଡ ମାରିବା ସହିତ ହାତଗୋଡ ବାନ୍ଧି ମୋଟର ସାଇକଲରେ ଘୋଷାଡି ନେଇଥିଲା। ସୋମବାର ଏହି ଘଟଣାର ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହେବା ପରେ ପୁଲିସ ନିଜ ଆଡୁ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ପୁଲିସ ପ୍ରେମରାମକୁ ଗିରଫ କରିବା ସହିତ ଘଟଣାର ତଦନ୍ତ ଆରମ୍ଭ କରିଛି। ତେବେ ଏ ସମ୍ପର୍କରେ ପୀଡିତା ମହିଳା କିମ୍ବା ତାଙ୍କ ସମ୍ପର୍କୀୟଙ୍କ ପକ୍ଷରୁ କୌଣସି ମାମଲା ଦାୟର ହୋଇନାହିଁ। ମହିଳା ଜଣଙ୍କ ଏବେ ତାଙ୍କ ସମ୍ପର୍କୀୟଙ୍କ ଘରେ ରହୁଛନ୍ତି।
Comments are closed.