ସୁନ୍ଦରଗଡ: ଶୋଇଥିବାବେଳେ ଘର ଭାଙ୍ଗିଲା ଦନ୍ତା ହାତୀ। କାନ୍ଥ ତଳେ ଚାପି ହୋଇ ଗର୍ଭବତୀ ମାଆ ଏବଂ ୮ ବର୍ଷୀୟ ପୁଅର ମୃତ୍ୟୁ ଘଟିଛି। ୩ ଝିଅ ଗୁରୁତର ରହିଛନ୍ତି। ସୁନ୍ଦରଗଡ ଜିଲ୍ଲା ବରସୁଆଁ ରେଞ୍ଜ ବାଲିଜୁଡି ଗାଁରେ ଏଭଳି ଅଘଟଣ ଘଟିଛି। ମୃତକମାନେ ହେଉଛନ୍ତି ମାଆ ସୁକାନ୍ତି ବତ୍ତା ଏବଂ ପୁଅ ସୁଖନାଥ ବତ୍ତା। ଗୁରୁତର ତିନି ଝିଅଙ୍କୁ ରାଉରକେଲା ଆଇଜିଏଚ୍ ମେଡିକାଲକୁ ସ୍ଥାନାନ୍ତର କରାଯାଇଛି। ରାତିରେ ମାଆ ଏବଂ ୪ ସନ୍ତାନ ଶୋଇଥିବାବେଳେ ଏକ ଦନ୍ତା ହାତୀ ଘରର କାନ୍ଥ ଭାଙ୍ଗିଦେଇଥିଲା। ମୃତ ସୁକାନ୍ତି ୪ ମାସର ଗର୍ଭବତୀ ଥିବା ଜଣାପଡିଛି। ତାଙ୍କ ସ୍ଵାମୀ ୪ ମାସ ତଳେ ଦାଦନ ଖଟିବାକୁ ବାଙ୍ଗାଲୋର ଯାଇଥିବା ସୂଚନା ମିଳିଛି। ମାଟିରେ ମିଶିଯାଇଛି ପୁରା ଘର। ଏହି ଘଟଣା ପରେ ସମ୍ପୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି।
Comments are closed.