ପ୍ରତିଟି ବ୍ୟକ୍ତିଙ୍କ ଇଷ୍ଟଦେବ ବା ଦେବୀ ରହିଥାଆନ୍ତି । ତାଙ୍କ ଉପାସନା କରିବା ଦ୍ବାରା ବ୍ୟକ୍ତିଙ୍କ ଜୀବନରେ ଉନ୍ନତି ପ୍ରାପ୍ତି ହୋଇଥାଏ । ଇଷ୍ଟଦେବ ବା ଦେବୀଙ୍କ ନିର୍ଦ୍ଧାରଣ ଜାତକ ଆଧାରରେ କରାଯାଏ । କିନ୍ତୁ ବାସ୍ତବରେ ଗ୍ରହ ଓ ଜ୍ୟୋତିଷର ସମ୍ବନ୍ଧ ଇଷ୍ଟଦେବ ବା ଦେବୀଙ୍କ ସହ ନଥାଏ । ଯଦି ବିନା କାରଣରେ ଆପଣ ଇଶ୍ବରଙ୍କ କୌଣସି ସ୍ବରୂପ ପ୍ରତି ଆକର୍ଷିତ ହେଉଛନ୍ତି, ତେବେ ସେହି ସ୍ବରୂପ ହେଉଛି ଆପଣଙ୍କ ଇଷ୍ଟଦେବ ବା ଦେବୀ । ଗ୍ରହ କେବେ ବି ଇଶ୍ବରଙ୍କ ନିର୍ଦ୍ଧରଣ କରେ ନାହିଁ । କିନ୍ତୁ ଗ୍ରହ ସମସ୍ୟା ଦୂର କରିବା ପାଇଁ ବିଶେଷ ଦେବତାଙ୍କ ଉପାସନା କରାଯାଏ ।
କେଉଁ ଗ୍ରହ ସମସ୍ୟା ପାଇଁ କେଉଁ ଦେବତାଙ୍କ ଉପାସନା କରିବେ ?
ଗ୍ରହରେ ସୂର୍ଯ୍ୟ ନୀଚ ସ୍ଥାନରେ ଥିଲେ, ସୂର୍ଯ୍ୟ ଦେବତାଙ୍କୁ ଉପାସନା କରନ୍ତୁ ଅଥବା ଗାୟତ୍ରୀ ମନ୍ତ୍ର ଜପ କରନ୍ତୁ ।
ଚନ୍ଦ୍ର ସମସ୍ୟା ପାଇଁ ଭଗବାନ ଶିବଙ୍କ ଉପାସନା କରିବା ଉତ୍ତମ ।
ମଙ୍ଗଳ ସମସ୍ୟା ପାଇଁ କୁମାର କର୍ତ୍ତିକେୟ ବା ହନୁମାନଙ୍କ ଉପାସନା କରନ୍ତୁ ।
ବୁଧ ସମସ୍ୟା ଥିଲେ ମା’ଦୁର୍ଗାଙ୍କ ଉପାସନା କରନ୍ତୁ ।
ବୃହସ୍ପତି ସମସ୍ୟା ଥିଲେ ଶ୍ରୀହରିଙ୍କୁ ଉପାସନା କରନ୍ତୁ ।
ଶୁକ୍ର ଗ୍ରହ ଶାନ୍ତ ପାଇଁ ମା ଲକ୍ଷ୍ମୀ ବା ମା’ ଗୌରୀଙ୍କ ଉପାସନା କରନ୍ତୁ ।
ଶନି ଗ୍ରହ ପାଇଁ ଶନିଦେବ ବା ଭଗବାନ ଶିବଙ୍କ ଉପାସନା କରନ୍ତୁ ।
ରାହୁ ପାଇଁ ଭୈରବ ଉପାସନ କରନ୍ତୁ ।
କେତୁ ପାଇଁ ଭଗବାନ ଗଣେଶଙ୍କ ଉପାସନା କରନ୍ତୁ ।
ବିଶେଷ ସମସ୍ୟା ପାଇଁ କେଉଁ ଦେବାଦେବୀଙ୍କ କରିବେ ଉପାସନା
ମାନସିକ ସମସ୍ୟା ପାଇଁ ଭଗବାନ ଶିବଙ୍କ ଉପାସନା କରନ୍ତୁ ।
ଶରୀରିକ ଯନ୍ତ୍ରଣା ପାଇଁ ହନୁମାନଙ୍କ ପୂଜା କରନ୍ତୁ ।
ଶୀଘ୍ର ବିବାହ ପାଇଁ ପୁଅମାନେ ମା’ ଦୁର୍ଗାଙ୍କୁ ଏବଂ ଝିଅମାନେ ଭଗବାନ ଶିବଙ୍କୁ ଉପାସନା କରନ୍ତୁ ।
ବନ୍ଧ୍ୟା ଦୋଷ ଦୂର ପାଇଁ ଭଗବାନ ଗଣେଶଙ୍କୁ ପୂଜା କରନ୍ତୁ ।
ଧନ ପ୍ରାପ୍ତି ପାଇଁ ମା’ ଲକ୍ଷ୍ମୀ ଉପାସନା କରନ୍ତୁ ।
ଆଧ୍ୟାତ୍ମିକ ଉପଲବ୍ଧି ପାଇଁ ଭଗବାନ କୃଷ୍ଣ ବା ଭଗବାନ ଶିବଙ୍କ ଉପାସନା କରନ୍ତୁ ।
