ସୋର : ବଜ୍ରପାତରେ ଦୁଇ କୃଷି ଶ୍ରମିକଙ୍କ ମୃତ୍ୟୁ ହୋଇଛି। ଅନ୍ୟ ଜଣେ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ବାଲେଶ୍ବର ଜିଲା ସୋର ବ୍ଲକ ଗୋପୀନାଥପୁର ପଞ୍ଚାୟତ ରାଇପୀତାମ୍ବର ଗାଁର ବସନ୍ତ ଦାସ, ନରେନ୍ଦ୍ର ବିଶ୍ୱାଳ ଓ ସୁରେନ୍ଦ୍ର ସାହୁ ନିକଟସ୍ଥ ବିଲରେ କାମ କରୁଥିବା ସମୟରେ ବଜ୍ରପାତ ଘଟିବାରୁ ତିନି ଜଣ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ତୁରନ୍ତ ସମସ୍ତଙ୍କୁ ସୋର ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ବସନ୍ତ ଓ ନରେନ୍ଦ୍ରଙ୍କୁ ମୃତ ଘୋଷଣା କରିଥିଲେ। ଆହତ ସୁରେନ୍ଦ୍ର ଚିକିତ୍ସଧୀନ ଅଛନ୍ତି। ସେହିପରି ବଜ୍ରପାତରେ ସୋର ବ୍ଲକ ଗୋପୀନାଥପୁର ପଞ୍ଚାୟତର ଦିଗି ଗାଁରେ ଭରତ ଜେନାଙ୍କ ଗୁହାଳ ଘର ପୋଡ଼ି ୪ଟି ଛେଳି ଅର୍ଦ୍ଧଦଗ୍ଧ ହୋଇଥିବାବେଳେ ଗୋଟିଏ ଛେଳିର ମୃତ୍ୟୁ ଘଟିଛି। ବ୍ରଜପାତର କିଛି କ୍ଷଣ ଭିତରେ ଶ୍ରୀ ଜେନାଙ୍କ ଗୁହାଳ ଘର ନିଆଁ ଲାଗିଯାଇଥିଲା। ଗୁହାଳରେ ଥିବା ଛେଳିଙ୍କୁ ଉଦ୍ଧାର କଲା ବେଳକୁ ଗୋଟିଏ ଛେଳି ମରିଯାଇଥିଲା। ମୃତାହତ ପରିବାର ଏବଂ ଛାଗପାଳକଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।
Popular Categories
Previous article
Next article