ସମାଜ ଡିଜିଟାଲ ଡେସ୍କ: ଭିଜିଲାନ୍ସ ଜାଲରେ ଜଟଣୀ ବ୍ଲକ ସହାକରୀ ଇଞ୍ଜିନିୟର ନିବେଦିତା ମହାନ୍ତି । ପୁରୁଣା ବିଲ୍ ପାସ୍ କରାଇଦେବାକୁ କହି ଠିକାଦାରଙ୍କଠାରୁ ୫୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ତାଙ୍କୁ ଧରିଥିଲା । ଭିଜିଲାନ୍ସର ଖୋଳତାଡ ପରେ ନିବେଦିତାଙ୍କ ଗୋଟିଏ ପରେ ଗୋଟିଏ ଗୁମର ଖୋଲିଛି । ନିବେଦିତାଙ୍କ ଅଫିସ ସମେତ ଘର ଓ କାର୍ଯ୍ୟାଳୟରେ ଚଢାଉ କରିଛି ଭିଜିଲାନ୍ସ ଟିମ୍ । ତେବେ ଠିକାଦାରଙ୍କ ଅଭିଯୋଗ ଅନୁସାରେ ନିବେଦିତା ଠିକାଦାରଙ୍କ ଠାରୁ ବାଳକାଟି ମଟନ, ପାରାଦୀପ ଇଲିସି, ଚିଙ୍ଗୁଡି ସବୁକିଛି ଆଣିବାକୁ କହିଥିଲେ । କିରଣ କୁମାର ପ୍ରଧାନଙ୍କ ବିଲ ପାସ୍ କରାଇଦେବା ପାଇଁ ୧ଲକ୍ଷ ଟଙ୍କା ଲାଞ୍ଚ ମାଗିଥିଲେ । ହେଲେ ୫୦ହଜାର ଟଙ୍କା ଦେବା ପରେ ମଧ୍ୟ ବିଲ୍ ପାସ କରାଇନଥିଲେ । ଆଉ ୫୦ହଜାର ଲାଞ୍ଚ ନେବା ବେଳେ ଭିଜିଲାନ୍ସ ଦ୍ୱାରା ଗିରଫ ହୋଇଥିଲେ । ଭୁବନେଶ୍ୱରର ଦୁଇଟି ଘରେ ଚାଲିଛି ଚଢ଼ାଉ । ଆଜି ଜଟଣୀ ବ୍ଲକ ଅଫିସରେ ଖୋଳତାଡ଼। ଭିଜିଲାନ୍ସର ୬ ଜଣିଆ ଟିମ ଜଟଣୀ ବ୍ଲକ ଅଫିସରେ ପହଞ୍ଚିଛନ୍ତି ।
Popular Categories
Previous article
Next article