ବୌଦ୍ଧ: ନୟାଗଡ ବନ୍ୟ ପ୍ରାଣୀ ବନଖଣ୍ଡ ଅଧିନସ୍ଥ କୁଶଙ୍ଗ ବନ୍ୟପ୍ରାଣୀ ରେଞ୍ଜ୍ ର ପହ୍ମତୋଳା ଅଭୟାରଣ୍ୟ ମଧ୍ୟରେ ଅବାଧ ପଶୁ ଶିକାର ଚାଲିଥିବା ଦେଖିବାକୁ ମିଳିଛି । ରବିବାର ଦିନ କୁଶଙ୍ଗ ବନ୍ୟପ୍ରାଣୀ ରେଞ୍ଜ୍ ପକ୍ଷରୁ ଶୀତଳପାଣି ଅଞ୍ଚଳରୁ ଏକ ଗୁଳିବିଦ୍ଧ ବାରହା ର ମୃତଦେହ ସହ ଗୋଟିଏ ବନ୍ଧୁକ ଜବତ କରିଥିବା ବେଳେ ଜଣେ ଶିକାରୀକୁ ଗିରଫ କରାଯାଇଛି । ମିଳିଥିବା ସୂଚନା ମୁତାବକ କୁଶଙ୍ଗ ମହାନଦୀ ବନ୍ୟପ୍ରାଣୀ ଅଭୟାରଣ୍ୟ ଶୀତଳପାଣି ବିଟ ଅଞ୍ଚଳରେ ବନ୍ୟଜନ୍ତୁ ଶିକାର ଖବର ପାଇ ବନ୍ୟପ୍ରାଣୀ ବିଭାଗ କର୍ମଚାରୀମାନେ ଚଢାଉ କରିଥିଲେ । ଜଙ୍ଗଲ ଧ୍ୟରେ ଗୋଟିଏ ଜଙ୍ଗଲି ଗୁଳିବିଦ୍ଧ ବାରହା ମୃତଦେହ ଜବତ କରାଯାଇଥିଲା । ଏଥିରେ ସଂପୃକ୍ତ ଥିବା ପୁରୁଣାକଟକ ଥାନା ସାଲକଟା ଗ୍ରାମର ଶିକାରୀ ସୁଧିର ଭୋକ୍ତାଙ୍କୁ ଗିରଫ କରାଯିବା ସହିତ ଗୋଟିଏ ଦେଶୀ ବନ୍ଧୁକ ଜବତ କରାଯାଇଥିଲା । ଏହି ଘଟଣାରେ ଆଉ ଦୁଇଜଣ ଅଭିଯୁକ୍ତ ଫେରାର ଥିବା ଜଣାପଡିଛି ।
Comments are closed.