ଗୋପାଳପୁର : ନୁଆଁ ବକ୍ସିପଲ୍ଲୀ ଗ୍ରାମରେ ଏକ ବୁଲେଟରେ ଦୁର୍ବୃତ୍ତମାନେ ନିଆଁ ଲଗାଇ ପୋଡି ଦେଇଥିବା ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ ହୋଇଛି । ସୂଚନା ପ୍ରକାରେ ନୁଆଁ ବକ୍ସିପଲ୍ଲୀ ଗ୍ରାମର ସତ୍ୟ ସାଇବାବା ମନ୍ଦିରର ଡିଜାଇନ ମିସ୍ତ୍ରୀ ଆନ୍ଧ୍ର ଇଷ୍ଟ ଗୋଦାବରୀର ଲେଙ୍କେ ବ୍ରହ୍ମାଜୀ ଦୁଇ ମାସ ହେଲା ସେଠାରେ ଭଡ଼ାରେ ରହି ମନ୍ଦିର ଡିଜାଇନ କାମ କରୁଥିଲେ । ଶନିବାର ରାତିରେ ବୁଲେଟ ଗାଡ଼ି ନମ୍ବର ଏ ପି ୩୧ ଡ଼ି ଡ଼ି ୭୩୭୧ ଗାଡିଟି ମନ୍ଦିର ପାଖରେ ରଖି ଘରକୁ ଯାଇଥିଲେ । ରବିବାର ସକାଳେ ଆସି ଦେଖିବା ବେଳକୁ ବୁଲେଟକୁ ଦୁର୍ବୃତ୍ତମାନେ ନିଆଁ ଲଗାଇ ଦେଇଥିବା ଦେଖିବାକୁ ପାଇଥିଲେ। ଏ ନେଇ ମନ୍ଦିର କମିଟିକୁ ସୂଚନା ଦେଇ ଥିଲେ । କମିଟି ସଭ୍ୟ ଏସ. ବୈରାଗୀ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ କେସ ନମ୍ବର ୨୧୪/୨୪ରେ ମାମଲା ରୁଜୁ କରି ତଦନ୍ତ କରୁଥିବା ପୁଲିସ କହିଛି ।
Comments are closed.