ନୂଆଦିଲ୍ଲୀ : ବର୍ତ୍ତମାନ ସମୟରେ ଫୁଡ୍ ଡେଲିଭରି ଆପର ବ୍ୟବହାର ଅଧିକ କରାଯାଉଛି । କାରଣ ଲୋକେ ଘରେ ବସି ଖାଦ୍ୟ ଜିନିଷ ମଗାଇବାକୁ ଅଧିକ ପସନ୍ଦ କରୁଛନ୍ତି । ଏହା ସଭିଁଙ୍କ ପାଇଁ ଏକ ସୁବିଧା ଜନକ ବିକଳ୍ପ ପାଲଟିଛି । ସମୟ ବଞ୍ଚାଇବାକୁ ମଧ୍ୟ ସୁଯୋଗ ମିଳିଥାଏ । ମାତ୍ର ଖାଦ୍ୟର ଗୁଣବତ୍ତା, ବିଳମ୍ବରେ ଡେଲିଭରି, ଭୁଲ୍ ଡେଲିଭରି ଓ ଭୁଲ୍ ସ୍ଥାନରେ ଡେଲିଭରି ଭଳି କେତେକ ସମସ୍ୟା ଦେଖାଦେଇଥାଏ । ଅନେକ ସମୟରେ ଅର୍ଡର କରିଥିବା ଖାଦ୍ୟରୁ ଆଙ୍ଗୁଠି, ପୋକ ଆଦି ବାହାରିବା ପରେ ଅନେକ ଚର୍ଚ୍ଚାର ବିଷୟ ପାଲଟିଥିବା ବେଳେ ଗ୍ରାହକ ଅସନ୍ତୁଷ୍ଟ ହୋଇଛନ୍ତି । ନିକଟରେ ଏଭଳି ହିଁ ଏକ ଭିଡିଓ ଭାଇରାଲ୍ ହେଉଛି, ଯାହାକୁ ଦେଖିଲେ ମୁଣ୍ଡ ବୁଲାଇବ । ଏହି ଭିଡିଓ ଲୋକଙ୍କ ଚିନ୍ତା ମଧ୍ୟ ବଢାଇ ଦେଇଛି । ଏକ୍ସରେ ପୋଷ୍ଟ କରି ଗଜେନ୍ଦ୍ର ଯାଦବ ନାମକ ଜଣେ ଗ୍ରାହକ ଦାବି କରିଛନ୍ତି ଯେ, ସେ ଅନଲାଇନରେ ଅର୍ଡର କରିଥିବା ଅମୁଲ ହାଇ-ପ୍ରୋଟିନ୍ ବଟର ମିଲ୍କରୁ ଜିଅନ୍ତା ପୋକ ବାହାରିଛନ୍ତି ।
🚨 Stop Buying products from @Amul_Coop website 🚨
Hey Amul you have sent us WORMS along with your high protien buttermilk.
I am writing to express my deep dissatisfaction after discovering worms in the buttermilk I purchased recently. This experience was incredibly….. pic.twitter.com/vmLC4rp89z
— Gajender Yadav (@imYadav31) July 17, 2024
ବ୍ୟକ୍ତି ଜଣକ ଏହାର ଫଟୋ ଉଠାଇବା ସହ ଭିଡିଓ କରି ପୋଷ୍ଟ କରିଛନ୍ତି ।”@Amul_Coop ୱେବସାଇଟ୍ ରୁ ଜିନିଷ କିଣିବା ମଧ୍ୟ ବନ୍ଦ କରିବା ସହ ଏପରି ଘଟଣା ପାଇଁ ନିଜର ଅସନ୍ତୋଷ ବ୍ୟକ୍ତ କରିଛନ୍ତି ।
ଭିଡିଓରେ ଆପଣ ଦେଖିପାରିବେ, ପେଟିରେ ଜିଅନ୍ତା ଧଳା ଧଳା ପୋକ ସାଲୁବାଲୁ ହେଉଛନ୍ତି । ଏଭଳି ମାମଲାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ପାଇଁ ଦାବି କରାଯାଇଛି । ପେଟିରେ ଆସିଥିବା ପ୍ୟାକେଟ୍ ମଧ୍ୟରୁ ଅଧିକ ପ୍ୟାକେଟ୍ ଖୋଲା ଓ ନଷ୍ଟ ହୋଇଥିବା ଜଣାପଡିଛି । ସେଥିରୁ ଗନ୍ଧ ମଧ୍ୟ ଆସୁଥିଲା ବୋଲି ଗ୍ରାହକ କହିଛନ୍ତି।
ଅମୁଲ ଏହି ଘଟଣା ପାଇଁ କ୍ଷମା ମାଗିବା ସହ ଏହି ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦେଇଛି ବୋଲି କହିଛି । ଏହାସହ ଜିନିଷ ଫେରାଇବା ସହ ଟଙ୍କା ମଧ୍ୟ ଫେରସ୍ତ କରାଯିବ ବୋଲି କହିଛି । ମାତ୍ର ଗ୍ରାହକ ଏଥିରେ ରାଜି ହୋଇ ନାହାଁନ୍ତି ।
ବ୍ୟକ୍ତି ଜଣକ ଆହୁରି ମଧ୍ୟ କହିଛନ୍ତି, ଅମୁଲ ଏହା ସୁନିଶ୍ଚିତ କରୁ ଯେ ଅର୍ଡର କରିଥିବା ଖାଦ୍ୟ ଜିନିଷ ୩ ଦିନ ମଧ୍ୟରେ ଆସିବା ଆବଶ୍ୟକ । ବିଳମ୍ବ ହେଲେ କ୍ଷତି ହେଉଛି । ଅମୁଲ ମଧ୍ୟ ଏଥିପ୍ରତି ଦୃଷ୍ଟି ଦେବ ବୋଲି ପ୍ରତିଶ୍ରୁତି ଦେଇଛି ।
